ଚଳନ୍ତା ବସରେ ଅଗ୍ନିକାଣ୍ଡ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ମହାରାଷ୍ଟ୍ରର ନାସିକରେ । ଫଳରେ ୯ ଜଣଙ୍କର ମୃତ୍ୟୁ ହୋଇଥିବା ବେଳେ ଏଥିରେ ଅନେକ ଲୋକ ଆହତ ହୋଇଛନ୍ତି । ଆଗକୁ ଆହୁତି ମୃତ୍ୟୁ ସଂଖ୍ୟାନ ବଢିପାରେ ବୋଲି ମଧ୍ୟ ଆଶଙ୍କା କରାଯାଉଛି ।
ଏହି ଦୁର୍ଘଟଣା ଶୁକ୍ରବାର ବିଳମ୍ବିତ ରାତିରେ ହୋଇଥିଲା । ଅବଶ୍ୟ ପରେ ଆହତମାନଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଦୁର୍ଘଟଣାରେ ମୃତକଙ୍କ ସଂଖ୍ୟା ଆଗକୁ ବଢ଼ିପାରେ ବୋଲି ଆଶଙ୍କା କରାଯାଉଛି । ନାସିକ-ଔରଙ୍ଗାବାଦ ହାଇୱେରେ ଯାଉଥିବା ବେଳେ ବସରେ ନିଆଁ ଲାଗିଥିଲା । ଏନେଇ ସ୍ଥାନୀୟ ପୋଲିସ ପକ୍ଷରୁ ସୂଚନା ମିଳିଛି ।
କେତେକ ମିଡିଆ ରିପୋର୍ଟ ଅନୁସାରେ, ଯାତ୍ରୀଙ୍କୁ ନେଇ ଯାଉଥିବା ବେଳେ ବସଟି ଓଲଟି ପଡ଼ିଥିଲା, ଯାହାଫଳରେ ନିଆଁ ଲାଗିଥିଲା । ଦୁର୍ଘଟଣା ସମୟରେ ବସରେ ୩୦ ଜଣ ଯାତ୍ରୀ ଥିଲେ । ପ୍ରାୟତଃ ୯ ଲୋକଙ୍କର ମୃତ୍ୟୁ ପରେ ବି ଅନେକ ଯାତ୍ରୀ ବସରେ ଫସିରହିଥିଲେ, ଯାହାଙ୍କୁ ପରେ ଉଦ୍ଧାର କରାଯାଇଥିଲା ।
