ଅଭିନେତା ମନୋଜ ମିଶ୍ରଙ୍କ ପିଛା ଛାଡ଼ୁନି ବିବାଦ। ମନୋଜଙ୍କ ନାଁରେ ପୁଣି ଥାନାରେ ଏତେଲା। କଟକ ଦରଘା ବଜାର ଥାନାରେ ଏତଲା ଦେଲେ ନିର୍ଦେଶକ ସଂଘ ଉପସଭାପତି ବବି ଇସଲାମ। ଜୀବନରୁ ମାରିଦେବା ପାଇଁ ଧମକ ମିଳିବା ପରେ ଥାନାରେ ଏତେଲା ଦାୟର କରି ନିଜ ପାଇଁ ସୁରକ୍ଷା ଲୋଡ଼ିଛନ୍ତି ବବି ଇସଲାମ।
ବବି ଇସଲାମଙ୍କ କହିବାନୁସାରେ, ମଙ୍ଗଳବାର ଏକ ଟିଭି ଶୋ’ରେ ରାଣ୍ଡି ପୁଅ ଅନନ୍ତା ବିତର୍କ କାର୍ଯ୍ୟକ୍ରମରେ ଯୋଗ ଦେଇଥିବାବେଳେ ମନୋଜଙ୍କୁ ପ୍ରତ୍ୟକ୍ଷ ଭାବେ ଉଦ୍ଧତାମୀ କରୁଥିବା କହିଥିଲେ ବବି। ଏହାପରେ ଗତକାଲି ରାତିରେ ବବିଙ୍କୁ ଫୋନ କଲ୍ ଜରିଆରେ ଆସିଥିଲା ଧମକ। ମନୋଜ ମିଶ୍ର ଓ ତାଙ୍କ ବନ୍ଧୁ ତାଙ୍କୁ ଜୀବନରୁ ମାରିଦେବାକୁ ଧମକ ଦେଇଥିବା କହିଛନ୍ତି ବବି ଇସଲାମ।
