ଏବେ ସାରା ଦେଶରେ କରୋନାର ନୂଆ ଭାରିଆଣ୍ଟ ଓମିକ୍ରନ୍ ଦ୍ରୁତ ଗତିରେ ମାଡି ଚାଲିଛି । କରୋନାର ଡେଲଟା ଭାରିଆଣ୍ଟଠାରୁ ଓମିକ୍ରନ୍ ଦ୍ରୁତ ଗତିରେ ସଂକ୍ରମଣ କରୁଛି ବୋଲି ବିଶେଷଜ୍ଞ କହିଛନ୍ତି । ଦିନକୁ ଦିନ ଭାରତରେ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି । ବର୍ତ୍ତମାନ ସୁଦ୍ଧା ଭାରତରେ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ୪୦୦ ପାର କରିସାରିଲାଣି ।
ତେବେ ଏପରି ସ୍ଥିତିରେ ଭାରତର ଅନେକ ରାଜ୍ୟରେ ପୁଣିଥରେ ନାଇଟ କର୍ଫ୍ୟୁ ଲାଗୁ କରାଯାଇଛି । ଓମିକ୍ରନ୍ ସଂକ୍ରମଣକୁ ଦୃଷ୍ଟିରେ ରଖି କରୋନାର ଫ୍ରଣ୍ଟ ଲାଇନ୍ ଓ୍ୱାର୍କରଙ୍କୁ ବୁଷ୍ଟର ଡୋଜ ଦେବା ପାଇଁ ଘୋଷଣା କରିଛନ୍ତି ।
ଶନିବାର ରାତିରେ ଦେଶବାସୀଙ୍କୁ ସମ୍ବୋଧନ କରିବା ସମୟରେ ମୋଦି ଫ୍ରଣ୍ଟ ଲାଇନ ଓ୍ୱାର୍କରଙ୍କୁ ଜାନୁଆରୀ ୧୦ରୁ ବୁଷ୍ଟର ଡୋଜ ଦେବାକୁ ନିଷ୍ପତ୍ତି ନେଇଛନ୍ତି । ଏଥି ସହ ଜାନୁଆରୀ ୩ରୁ ୧୫ରୁ ୧୮ ବର୍ଷର ପିଲାଙ୍କୁ ଟିକା ଦିଆଯିବ ବୋଲି ମଧ୍ୟ ଘୋଷଣା କରିଛନ୍ତି । ଏଜେନ୍ସି ରିପୋର୍ଟ ଅନୁସାରେ କୋଭିଡ-୧୯ ଭ୍ୟାକ୍ସିନର ଦ୍ୱିତୀୟ ଡୋଜ ଓ ବୁଷ୍ଟର ଡୋଜ ମଧ୍ୟରେ ବ୍ୟବଧାନ ୯ ରୁ ୧୨ ମାସ ରହିବା ଦରକାର ବୋଲି କହିଛନ୍ତି । କାହିଁକି ନା କେନ୍ଦ୍ର ଟିକାକରଣ ବିଭାଗ ଓ ଟିକାକରଣର ଜାତୀୟ ବୈଷୟିକ ବିଭାଗ ଏହି ବ୍ୟବଧାନକୁ ନେଇ ଚର୍ଚ୍ଚା ଜାରି ରଖିଛି ।
