ମା’ର ମୃତ୍ୟୁ ପରେ ନାବାଳିକାକୁ ୮ ମାସ ଦୁଷ୍କର୍ମ,୮୦ ଅଭିଯୁକ୍ତ ଗିରଫ

ସୂଚନା ଅନୁସାରେ,ଗତ ବର୍ଷ ଜୁନରେ ପୀଡିତାଙ୍କ ମା’ କୋଭିଡରେ ଆକ୍ରାନ୍ତ ହୋଇ ମୃତ୍ୟୁବରଣ କଲା ପରେ ନାବାଳିକା ଜଣକ ମା’ଙ୍କର ଯତ୍ନ ନେଉଥିବାବେଳେ ଜଣେ ମହିଳାଙ୍କ ସମ୍ପର୍କରେ ଆସିଥିଲେ । ତେବେ ନାବାଳିକାଙ୍କ ମା’ ପ୍ରାଣ ହରାଇବା ପରେ ସମ୍ପୃକ୍ତ ମହିଳା ଜଣକ ତାଙ୍କ ବାପାଙ୍କ ଅଜାଣତରେ ଝିଅକୁ ଅପହରଣ କରିନେଇଥିଲେ । ନାବାଳିକାର ବାପା ଏନେଇ ମାମଲା ରୁଜୁ କରିଥିଲେ । ଏହାକୁ ଆଧାର କରି ପୋଲିସ ପ୍ରଥମେ ମୁଖ୍ୟ ଅଭିଯୁକ୍ତ ମହିଳାଙ୍କୁ ଗିରଫ କରିଥିଲା । ନାବାଳିକାକୁ ଆନ୍ଧ୍ରପ୍ରଦେଶ ଓ ତେଲେଙ୍ଗାନାର ବିଭିନ୍ନ ବେଶ୍ୟାଳୟରେ ବିକ୍ରି କରାଯାଇଥିବା ସ୍ୱୀକାର କରିଛି ମହିଳା ଜଣକ । ଏହି ଘଟଣାରେ ସମ୍ପୃକ୍ତ ଅନ୍ୟମାନଙ୍କୁ ଗିରଫ କରିବାକୁ ଉଦ୍ୟମ ଚାଲିଛି । ଜଣେ ଅଭିଯୁକ୍ତ ଇତି ମଧ୍ୟରେ ଲଣ୍ଡନ ପଳାଇଥିବା ପୋଲିସ କହିଛି । ପୋଲିସ ଏହି ଘଟଣାରୁ ଗୋଟିଏ କାର ସହ ୫୩ଟି ମୋବାଇଲ, ୩ଟି ଅଟୋ ଓ ୧୧ଟି ବାଇକ୍ ଜବତ କରିଥିବା ଜଣାପଡିଛି ।