ଭୁବନେଶ୍ୱର- ସାରା ରାଜ୍ୟରେ ପାରଦ ଖସିବାରେ ଲାଗିଛି। ଗତ ୨୪ ଘଣ୍ଟା ମଧ୍ୟରେ ଅଧିକାଂଶ ସହରର ସର୍ବନିମ୍ନ ତାପମାତ୍ରା ୨ରୁ ୪ ଡିଗ୍ରି ପର୍ଯ୍ୟନ୍ତ କମିଛି। ପାରାଦୀପ ବ୍ୟତୀତ ଉପକୂଳ ଓଡ଼ିଶାର ସମସ୍ତ ସହରର ପାରଦ ୧୫ ଡିଗ୍ରି ତଳେ ରହିଥିଲା। ଘୁ.ଉଦୟଗିରିଠାରେ ରାଜ୍ୟର ସର୍ବନିମ୍ନ ତାପମାତ୍ରା ୪.୮ ଡିଗ୍ରି ରେକର୍ଡ କରାଯାଇଥିବା ବେଳେ ସିମିଳିଗୁଡ଼ାରେ ୬.୬, ରାଉରକେଲାରେ ୭, ଝାରସୁଗୁଡାରେ ୮, ଚିପିଲିମାରେ ୮.୮, କେନ୍ଦୁଝରରେ ୯.୫, ଫୁଲବାଣୀରେ ୯.୫, ଦାରିଙ୍ଗବାଡିରେ ୯.୫, ସୁନ୍ଦରଗଡ଼ରେ ୯.୭ ଓ ସୋନପୁରଠାରେ ୧୦ ଡିଗ୍ରି ରେକର୍ଡ ହୋଇଛି।
