ଶ୍ରୀଲଙ୍କାକୁ ୧୫୦ ଟନ୍ ଅମ୍ଳଜାନ ପଠାଇଲା ଭାରତ

କୋଭିଡ-୧୯ ମହାମାରୀର ତୃତୀୟ ତରଙ୍ଗକୁ ମୁକାବିଲା କରିବା ପାଇଁ ଭାରତ ଶ୍ରୀଲଙ୍କାକୁ ପ୍ରାୟ ୧୫୦ ଟନ୍ ଅଧିକ ଅମ୍ଳଜାନ ପଠାଇଛି। କୋଭିଡ ମୃତ୍ୟୁ ସଂଖ୍ୟା ବୃଦ୍ଧି ଏବଂ ସ୍ୱାସ୍ଥ୍ୟସେବା ଉପରେ ବୃଦ୍ଧି ପାଉଥିବା ଚାପ ହ୍ରାସ କରିବା ଉଦ୍ଦେଶ୍ୟରେ ଶ୍ରୀଲଙ୍କାରେ ଶୁକ୍ରବାର ଦିନ ଦେଶବ୍ୟାପୀ ତାଲା ବନ୍ଦ କରାଯାଇଥିଲା। ଶ୍ରୀଲଙ୍କାରେ ଅବସ୍ଥାପିତ ଭାରତୀୟ ଉଚ୍ଚାୟୁକ୍ତ ଟ୍ୱିଟ କରି କହିଛନ୍ତି ଯେ ଭାଇଜାଗ ଓ ଚେନ୍ନାଇରୁ ଲାଇଫଲାଇନରେ ଆସିଥିବା ୧୫୦ ଟନ୍ ଅମ୍ଳଜାନ କଲମ୍ବୋ କୂଳରେ ପହଞ୍ଚିଛି। ଗତ ମାସରେ ଶ୍ରୀଲଙ୍କା ରାଷ୍ଟ୍ରପତି ରାଜପକ୍ଷଙ୍କ ବ୍ୟକ୍ତିଗତ ଅନୁରୋଧ ପରେ ଅମ୍ଳଜାନ ପଠାଯାଉଥିବା ସୂଚନା ମିଳିଛି ।