ଜଗତସିଂହପୁର ଜିଲ୍ଲାରେ ଅଭାବନୀୟ ଘଟଣା, ସ୍ତ୍ରୀ ଓ ଝିଅକୁ ହାଣି ନିଜେ ଆତ୍ମହତ୍ୟା କଲା ସ୍ୱାମୀ

ସ୍ତ୍ରୀ ଓ ଝିଅକୁ ହାଣିଲା ସ୍ୱାମୀ । ଏହାପରେ ନିଜେ ଆତ୍ମହତ୍ୟା କରିଥିବା ଅଭିଯୋଗ । ଘର ଭିତରି ସ୍ୱାମୀର ଝୁଲନ୍ତା ମୃତଦେହ ଉଦ୍ଧାର ହୋଇଛି । ଏଭଳି ଅଭାବନୀୟ ଘଟଣା ଘଟିଛି ଜଗତସିଂହପୁର ଜିଲ୍ଲା ସଦର ଥାନା ଅନ୍ତର୍ଗତ ଜୋତଚାନ୍ଦପାଟଣା ଗାଁରେ । ମୃତକ ହେଲେ ଲୋକନାଥ ପାଲ ।

ଲୋକନାଥଙ୍କ ଆକ୍ରମଣରେ ଝିଅ ମଧୁସ୍ମିତାଙ୍କର ମୃତ୍ୟୁ ହୋଇଥିବା ବେଳେ ସ୍ତ୍ରୀ କଳ୍ପନାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ଥିବାବେଳେ ତାଙ୍କୁ ମଧ୍ୟ ମେଡିକାଲରେ ଭର୍ତ୍ତି କରାଯାଇଥଲା ହେଲେ ସେଠାରେ ତାଙ୍କର ମଧ୍ୟ ମୃତ୍ୟୁ ଘଟିଥିବା ଜଣାପଡିଛି । ହତ୍ୟାକାଣ୍ଡର ପ୍ରକୃତ କାରଣ ଅସ୍ପଷ୍ଟ ରହିଛି । ଲୋକନାଥ ଜଣେ ରାଜମିସ୍ତ୍ରୀ । ପୋଲିସ ପହଞ୍ଚି ଖୋଳତାଡ କରୁଛି ।