ଅହମ୍ମଦାବାଦ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ଦିନିଆ ଗସ୍ତରେ ଗୁଜୁରାଟ ଅଛନ୍ତି। ଗୁରୁବାର ଗୁଜରାଟର କେଭାଡିଆରେ ଷ୍ଟାଚ୍ୟୁ ଅଫ ୟୁନିଟି କମ୍ପ୍ଲେକ୍ସରେ ପ୍ରଧାନମନ୍ତ୍ରୀ ଜାତିସଂଘର ମହାସଚିବ ଆଣ୍ଟୋନିଓ ଗୁଟେରସଙ୍କୁ ଭେଟିଛନ୍ତି। ଉଭୟଙ୍କ ମଧ୍ୟରେ ଦ୍ୱିପାକ୍ଷିକ ଆଲୋଚନା ମଧ୍ୟ ହୋଇଥିଲା।
ମୋଦି କେଭାଡିଆର ଏକତା ନଗରରେ ଥିବା ‘ଷ୍ଟାଚ୍ୟୁ ଅଫ ୟୁନିଟି’ରେ ଆଣ୍ଟୋନିଓ ଗୁଟେରସଙ୍କ ଉପସ୍ଥିତିରେ ‘ମିଶନ ଲାଇଫ ‘(ପରିବେଶ ପାଇଁ ଜୀବନଶୈଳୀ) ଆରମ୍ଭ କରିଥିଲେ। ଏହି ମିଶନ ଏକ ତ୍ରିସ୍ତରୀୟ ରଣନୀତି ପ୍ରୟୋଗ କରି ଜଳବାୟୁ ପରିବର୍ତ୍ତନର ପ୍ରଭାବକୁ ମୁକାବିଲା କରିବାକୁ ଲକ୍ଷ୍ୟ ରଖିଛନ୍ତି। ଏଥି ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଅକ୍ଟୋବର ୨୦ ରୁ ୨୨ ପର୍ଯ୍ୟନ୍ତ କେଭାଡିଆରେ ବୈଦେଶିକ ବ୍ୟାପାର ମନ୍ତ୍ରଣାଳୟ ଦ୍ୱାରା ଆୟୋଜିତ ହେଉଥିବା ଦଶମ ‘ହେଡସ୍ ଅଫ ମିଶନ ସମ୍ମିଳନୀ’ରେ ଅଂଶଗ୍ରହଣ କରିବେ। ଏହି ସମ୍ମିଳନୀରେ ସମଗ୍ର ବିଶ୍ୱରୁ ଭାରତୀୟ ମିଶନର ୧୧୮ଟି ପ୍ରମୁଖ (ରାଷ୍ଟ୍ରଦୂତ ଏବଂ ଉଚ୍ଚ କମିଶନର) ଅଂଶଗ୍ରହଣ କରିବେ। କେବଳ ଏତିକି ନୁହେଁ, ପ୍ରଧାନମନ୍ତ୍ରୀ ତାପି ଜିଲ୍ଲାର ଭାୟାର ଠାରେ ୧,୯୭୦ କୋଟିରୁ ଅଧିକ ମୂଲ୍ୟର ଅନେକ ବିକାଶମୂଳକ ପ୍ରକଳ୍ପର ମୂଳଦୁଆ ପକାଇବେ। ଏହା ବ୍ୟତୀତ ତାପି ଏବଂ ନର୍ମଦା ଜିଲାରେ ୩୦୦ କୋଟିରୁ ଅଧିକ ମୂଲ୍ୟର ଜଳ ଯୋଗାଣ ପ୍ରକଳ୍ପ ଅନ୍ତର୍ଭୁକ୍ତ ହେବ।
