ପାକିସ୍ତାନ ଓ ଆଫଗାନିସ୍ତାନ ମୋର୍ଚ୍ଚାରୁ ଟ୍ରେନିଂ ନେଇଥିଲା ରାଜୌରୀ ଏନକାଉଣ୍ଟରରେ ନିହତ ଆତଙ୍କବାଦୀ

ରାଜୌରୀ- ରାଜୌରୀ ଜିଲ୍ଲାର କାଲାକୋଟର ବାଜିମଲ ଜଙ୍ଗଲରେ ସେନା ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ଜାରି ରହିଛି । ଗୁଳି ବିନିମୟରେ ନିହତ ହୋଇଥିବା ଆତଙ୍କବାଦୀର ନାମ ହେଉଛି କ୍ୱାରି । ଆତଙ୍କବାଦୀ କ୍ୱାରୀ ପାକିସ୍ତାନ ଓ ଆଫଗାନିସ୍ତାନ ମୋର୍ଚ୍ଚାରୁ ଟ୍ରେନିଂ ନେଇଥିଲା ।
ଡିଫେନ୍ସ ପିଆରଓ କହିଛନ୍ତି ଯେ, ଗୁଳି ବିନିମୟ ସମୟରେ ମୃତ୍ୟୁବରଣ କରିଥିବା ଆତଙ୍କବାଦୀ କ୍ୱାରି ପାକିସ୍ତାନୀ ଅଟେ । ତାକୁ ପାକ ଓ ଆଫଗାନ ମୋର୍ଚ୍ଚାରେ ଟ୍ରେନିଂ ଦିଆଯାଇଥିଲା । କ୍ୱାରି ଲସ୍କର-ଇ-ତୋଇବାର ଉଚ୍ଚ ରାଙ୍କ ଆତଙ୍କବାଦୀ କମାଣ୍ଡର ।ଗତ ବର୍ଷ ଧରି ସେ ନିଜର ଗ୍ରୁପ ସହ ରାଜୌରୀ ଓ ପୁଞ୍ଚରେ ସକ୍ରିୟ ଥିଲା । ସେ ଢାଙ୍ଗରି ଓ କଣ୍ଡି ଆକ୍ରମଣର ମାଷ୍ଟରମାଇଣ୍ଡ ବୋଲି ଧରାଯାଏ ।