ଭୁବନେଶ୍ୱର- ଭୁବନେଶ୍ୱର ପାୱାର ହାଉସ ଛକରେ ରେଞ୍ଜରୋଭର ଦୁର୍ଘଟଣାରେ ଗୁରୁତର ଯୁବତୀଙ୍କ କଟକର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । ମୃତ ଯୁବତୀ ହେଲେ ଲୋପାମୁଦ୍ରା ସାହୁ । ରେଂଜରୋଭର ଧକ୍କାରେ ଆହତ ହୋଇଥିବା ପୂର୍ବତନ ଯବାନଙ୍କ ଅବସ୍ଥା ଏବେ ବି ଗୁରୁତର ଅଛି । ଅନ୍ୟପକ୍ଷରେ ଗାଡ଼ି ମାଲିକ ପ୍ରଭାବଶାଳୀ ବୋଲି ପୋଲିସ୍ ଚୁପ୍ ବୋଲି କହିଛନ୍ତି ଗୁରୁତର ପୂର୍ବତନ ଯବାନ କାହ୍ନୁଚରଣଙ୍କ ଭାଇ ।
ସୂଚନା ଅନୁଯାୟୀ ଗତ ୩୧ ତାରିଖ ଅପରାହ୍ନରେ ଭୁବନେଶ୍ୱରର ପାୱାର ହାଉସ ଛକରେ ଏକ ରେଞ୍ଜ ରୋଭର ଧକ୍କାରେ ବାଇକ୍ ରେ ଯାଉଥିବା କାହ୍ନୁଚରଣ ଓ ଲୋପାମୁଦ୍ରା ଗୁରୁତର ହୋଇଥିଲେ । ଉକ୍ତ ଦାମୀ ଗାଡ଼ି ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀ ସ୍ୱର୍ଗତ ନବ ଦାସଙ୍କ ପୁଅ ବିଶାଳ ଦାସଙ୍କ କମ୍ପାନୀର ଗାଡ଼ି ବୋଲି ଜଣାଯାଇଛି । ପୋଲିସ୍ ଗାଡ଼ି ଡ୍ରାଇଭର ସୌଭାଗ୍ୟ କୁମାର ବାଗଙ୍କୁ ଗିରଫ କରିଛି ।
