ବ୍ରିଟେନରେ ଆକାଶ ଛୁଆଁ ଦରଦାମ୍, ଓଳିଏ ଖାଇଲେ ଦୁଇଓଳି ଉପାସ ରହୁଛନ୍ତି ବ୍ରିଟେନବାସୀ

ରୁଷିଆ-ୟୁକ୍ରେନ ଯୁଦ୍ଧ ଆରମ୍ଭ ପରଠୁ ବିଶ୍ୱର ଅନେକ ଦେଶରେ ସଙ୍କଟ ପରିଲକ୍ଷିତ ହେଉଛି । ବର୍ତ୍ତମାନ ବ୍ରିଟେନରେ ଏହାର ପ୍ରଭାବ ଦେଖିବାକୁ ମିଳିଛି । ଏହାକୁ ସାମ୍ପ୍ରତିକ ସମୟର ସବୁଠାରୁ ବଡ ଅର୍ଥନୈତିକ ସଙ୍କଟ କୁହାଯାଉଛି । ଅତ୍ୟାବଶ୍ୟକ ସାମଗ୍ରୀର ଦାମ ଆକାଶ ଛୁଆଁ ହେବାରେ ଲାଗିଛି। ବାଧ୍ୟ ହୋଇ ଓଳିଏ ଖାଇଲେ ଦୁଇଓଳି ଉପାସ ରହୁଛନ୍ତି ବ୍ରିଟେନବାସୀ । ଏନେଇ ଏକ ରିପୋର୍ଟରୁ ଜଣାପଡିଛି ।

ଏକ ଗ୍ରାହକ ଗୋଷ୍ଠୀ ହେଡ ଅଫ ପଲିସି ହ୍ବିଚ ଦ୍ୱାରା ତିନି ହଜାର ଲୋକଙ୍କ ଉପରେ କରାଯାଇଥିବା ଏକ ସର୍ଭେରୁ ଜଣାପଡିଛି ଯେ ବ୍ରିଟେନର ପ୍ରାୟ ଅର୍ଦ୍ଧେକ ପରିବାର ଦିନକୁକ ଥରେ ଖାଦ୍ୟ ଖାଉଛନ୍ତି। ଏଥିସହ, ପ୍ରାୟ ସମାନ ସଂଖ୍ୟକ ଲୋକ ପୂର୍ବ ଅପେକ୍ଷା ଖାଦ୍ୟ ପଦାର୍ଥ କିଣିବାରେ ସେମାନଙ୍କର ଅକ୍ଷମତା ଦେଖାଉଛନ୍ତି। ଏଥିସହ ପ୍ରାୟ ୮୦ ପ୍ରତିଶତ ଲୋକ ଦରଦାମ ବୃଦ୍ଧି ନେଇ ଅସନ୍ତୋଷ ପ୍ରକାଶ କରିଛନ୍ତି।