ଭୋଟ ଗଣତି ବେଳେ ଆଗରେ ରହିଛି ବିଜୁ ଜନତା ଦଳ

ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଭୋଟ ଗଣତି ଆରମ୍ଭ ହୋଇଥିବାବେଳେ ପ୍ରଥମ ରାଉଣ୍ଡରେ ବିଜୁ ଜନତା ଦଳ ଆଗରେ ରହିଛି । ଜନତା ଯାହା ଆଶା କରୁଥିଲେ ସାଇୟା ହିଁ ହେଲା । ତିନିଦିନ ଧରି ଗଣତି ହେବାକୁ ଥିବା ପଞ୍ଚାୟତ ନିର୍ବାଚନର ଆଜି ପ୍ରଥମ ଗଣତିରେ ବିଜେଡି ଆଗୁଆ ଅଛି ବୋଲି ଜଣାପଡିଛି । ପ୍ରଥମେ ୱାର୍ଡମେମ୍ୱର, ପରେ ସରପଞ୍ଚ, ସମିତିସଭ୍ୟ ଓ ଜିଲ୍ଲା ପରିଷଦ ଭୋଟ ଗଣତି କରାଯାଉଛି । ଆଜି ୩୫୧ ଜିଲ୍ଳା ପରିଷଦ ଜୋନ ପାଇଁ ଗଣତି ହେବାର ଥିବାବେଳେ ଆସନ୍ତାକାଲି ୩୦୭ ଜୋନରେ ଗଣତି କରାଯିବ । ଅପରପକ୍ଷରେ ୨୮ରେ ୨୨୯ ଜିଲ୍ଲା ପରିଷଦ ଜୋନରେ ଗଣତି ହେବବୋଲି ଜଣାପଡ଼ିଛି ।

ବାଲାଟ ବକ୍ସକୁ କଡ଼ା ସୁରକ୍ଷା ଭାବରେ ଭୋଟ ଗଣତି କେନ୍ଦ୍ରକୁ ନିଆଯାଇଛି । ସେଠାରେ ଏଜେଂଟମାନଙ୍କ ଉପସ୍ଥିତିରେ ବାଲାଟ ବକ୍ସ ଖୋଲାଯାଇଥିଲା । ବାଲାଟ ବକ୍ସରେ ଥିବା ଭୋଟ କାଗଜଗୁଡ଼ିକୁ ରଙ୍ଗ ଅନୁସାରେ ସଜଡ଼ା ଯାଇ ଗଣତି ଆରମ୍ଭ ହୋଇଯାଇଛି । ଗୋଟିଏ ଟେବୁଲରେ ଜଣେ କାଉଂଟିଂ ସୁପରଭାଇଜର, ଦୁଇଜଣ ଆସିଷ୍ଟାଂଟ କାଉଂଟିଂ ଅଫିସର ଓ ଜଣେ ଗ୍ରୁପ ଡ଼ି କର୍ମଚାରୀ ରହିଛନ୍ତି । ବହୁତ କଡାକଡି ସୁରକ୍ଷାର ସହିତ ଭୋଟ ଗଣତି ପଦ୍ଧତି ଚାଲିଛି । କୌଣସି ବିଶୃଙ୍ଖଳା ସୃଷ୍ଟି ନହେବା ପାଇଁ କଡାକଡି ନଜର ରଖାଯାଇଛି । ସେଥିରୁ ଯାହା ଜଣାପଡିଛି ଯେ, ସମସ୍ତ ପ୍ରାର୍ଥୀଙ୍କୁ ପଛରେ ପକାଇ ବିଜେଡି ପ୍ରାର୍ଥୀ ଆଗରେ ଅଛି ।