ମୟୂରଭଞ୍ଜ ଜିଲ୍ଲା ଉଦଳା ଥାନା ମଉଦା ଅଞ୍ଚଳରେ ଗତ ଶନିବାର କେତେଜଣ ଲୁଟେରା ଆସି ବିଦ୍ୟୁତ୍ ଖୁଣ୍ଟ ଚୋରି କରୁଥିଲେ। ବିଲ ଭିତରେ ଏହି ଖୁଣ୍ଟ ଥିବା ବେଳେ ତାହାକୁ ଗ୍ୟାସ୍ କଟରରେ କାଟି ଏକ ଟାଟା ଏସିଇ ଗାଡିରେ ଲୋଡ କରି ସାରିଥିଲେ । ହେଲେ ପୋଲିସ୍ କୌଣସି ସୂତ୍ରରୁ ଖବରପାଇ ଠିକ ସମୟରେ ସେଠାରେ ଯାଇ ପହଞ୍ଚିଗଲେ । ପୋଲିସ ସେଠାରେ ପହଞ୍ଚିବାପରେ ଘଟଣାସ୍ଥଳରୁ ୩ଜଣଙ୍କୁ ଧରିଥିବାବେଳେ ଅନ୍ୟ ୩ଜଣ ଖସି ପଳାଇଛନ୍ତି। ପୋଲିସ୍ ୩ ଜଣ ଲୁଟେରାଙ୍କୁ ଗିରଫ କରିଛି । ଏବଂ ତା’ ସହିତ ଲୁଟରେ ବ୍ୟବହୃତ ହୋଇଥିବା ଗ୍ୟାସ୍ ଟାଙ୍କି, କଟର ମେଶିନ୍ ସମେତ କଟା ଯାଇଥିବା ବିଦ୍ୟୁତ୍ ଖୁଣ୍ଟ ଏବଂ ଗାଡିକୁ ଜବତକୁ ମଧ୍ୟ ଜବଦ କରିଛି ପୋଲିସ। ୩ ଗିରଫ ଅଭିଯୁକ୍ତ ହେଲେ ବାଲେଶ୍ୱର ଜିଲ୍ଲା ରେମୁଣା ଅଞ୍ଚଳର ବିଜୟ କୁମାର ମଲ୍ଲିକ, ରତିକାନ୍ତ ପୃଷ୍ଟି, କାର୍ତ୍ତିକ ଚନ୍ଦ୍ର ବେହେରା। ଅନ୍ୟ ୩ ଜଣ ଲୁଟେରାଙ୍କୁ ଗିରଫ ପାଇଁ ପୋଲିସ ତଦନ୍ତ ଆରମ୍ଭ କରିଛି ।
