ଖାଦ୍ୟ ସୁରକ୍ଷା ହାସଲ କରିବାରେ ଭାରତୀୟ କୃଷି ଅନୁସନ୍ଧାନ ପ୍ରତିଷ୍ଠାନର ଅନନ୍ୟ ଅବଦାନ-ରାଷ୍ଟ୍ରପତି

ନୂଆଦିଲ୍ଲୀ, 9 ଫେବୃଆରୀ- ରାଷ୍ଟ୍ରପତି ଦ୍ରୌପଦୀ ମୁର୍ମୁ ନୂଆଦିଲ୍ଲୀରେ ଆଇସିଏଆର- ଭାରତୀୟ କୃଷି ଅନୁସନ୍ଧାନ ପ୍ରତିଷ୍ଠାନର 62ତମ ଦୀକ୍ଷାନ୍ତ ସମାରୋହରେ ଭାଗ ନେଇଛନ୍ତି । ଏହି ଅବସରରେ ରାଷ୍ଟ୍ରପତି କହିଛନ୍ତି ଯେ, ଭାରତୀୟ କୃଷି ଅନୁସନ୍ଧାନ ପ୍ରତିଷ୍ଠାନ ଦେଶକୁ ଖାଦ୍ୟ ସୁରକ୍ଷା ହାସଲ କରିବାରେ ଅଦ୍ୱିତୀୟ ଯୋଗଦାନ ଦେଇଛି ।
ରାଷ୍ଟ୍ରପତି କହିଛନ୍ତି ଯେ, ପ୍ରତିଷ୍ଠାନ କେବଳ କୃଷି ସମ୍ବନ୍ଧୀୟ ଗବେଷଣା ଓ ବିକାଶ କାର୍ଯ୍ୟକୁ କୁଶଳତାପୂର୍ବକ କରିନାହିଁ, ଏହି କାର୍ଯ୍ୟକୁ ଭୂମିରେ କାର୍ଯ୍ୟକାରୀ କରିବା ପାଇଁ ମଧ୍ୟ କାର୍ଯ୍ୟ କରିଛି । ସେ ଜାଣି ଖୁସି ହେଲେ ଯେ ଏହି ଅନୁଷ୍ଠାନ 200 ରୁ ଅଧିକ ନୂତନ ଟେକ୍ନୋଲୋଜିର ବିକାଶ କରିଛି। 2005 ରୁ 2020 ମଧ୍ୟରେ ଆଇଏଆରଆଇ 100 ରୁ ଅଧିକ କିସମର ବିକାଶ କରିଛି ଏବଂ ଏହାର ନାମରେ 100 ରୁ ଅଧିକ ପେଟେଣ୍ଟ ରହିଛି ।
ରାଷ୍ଟ୍ରପତି କହିଛନ୍ତି ଯେ ଭାରତର ଏକ ବୃହତ ଜନସଂଖ୍ୟା ଚାଷରୁ ରୋଜଗାର କରନ୍ତି। ଭାରତର ଜିଡିପିରେ କୃଷି ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଏଭଳି ପରିସ୍ଥିତିରେ ଆମ ଅର୍ଥନୀତିର ମୂଳ ଯଥାସମ୍ଭବ ବୃଦ୍ଧି ଏବଂ ଏଥିରେ କୌଣସି ପ୍ରତିବନ୍ଧକ ନହେବା ନିଶ୍ଚିତ କରିବା ଅତ୍ୟନ୍ତ ଜରୁରୀ ଅଟେ।