ଚଣ୍ଡିଗଡ: ପଞ୍ଜାବ ସୀମାନ୍ତରୁ ବିପୁଳ ପରିମାଣର ମାଦ୍ରକ ଦ୍ରବ୍ୟ ଜବତ ହୋଇଛି । ବିଏସଏଫ ଯବାନ ଓ ପଞ୍ଜାବ ପୋଲିସ ପକ୍ଷରୁ ଏକ ମିଳିତ ଅପରେସନ ସମୟରେ ବିପୁଳ ପରିମାଣର ହେରୋଇନ୍ ଜବତ କରାଯାଇଛି । ଜବତ ସାମଗ୍ରୀର ମୂଲ୍ୟ ପାଖାପାଖି 17.50 କୋଟି ଟଙ୍କା ହେବ ବୋଲି ଅନୁମାନ କରାଯାଉଛି ।
ସୂଚନା ଯୋଗ୍ୟ ଅମୃତସରର ସୀମାନ୍ତବର୍ତ୍ତା ଗାଁ ରାଣିୟାରେ ବୁଧବାର ରାତିରେ ଡ୍ରୋନ ଗତିବିଧି ସମ୍ପର୍କରେ ବିଏସଏଫ ସୂଚନା ପାଇଥିଲା । ଏହାପରେ ସ୍ଥାନୀୟ ଅଞ୍ଚଳରେ ପଞ୍ଜାବ ପୋଲିସ ସହାୟତାରେ ତଲାସୀ ଅଭିଯାନ କରାଯାଇଥିଲା ।
ଏହି ଅଭିଯାନ ସମୟରେ ବିଏସଏଫ ଯବାନଙ୍କୁ ଏକ ପ୍ଲାଷ୍ଟିକ ପ୍ୟାକେଟରେ 6ଟି ଛୋଟ ବୋତଲ ମିଳିଥିଲା । ଏହି ବୋତଲରେ 2.630 କିଲୋଗ୍ରାମ ହେରୋଇନ୍ ଥିଲା । ଏହି ସମସ୍ତ ସାମଗ୍ରୀକୁ ସିଲ୍ କରାଯିବା ସହ ଫୋରେନସିକ ତଦନ୍ତ ପାଇଁ ପଠାଇ ଦିଆଯାଇଛି । ଅନ୍ତର୍ଜାତୀୟ ବଜାରରେ ଏହି ଜବତ ସାମଗ୍ରୀର ମୂଲ୍ୟ 17.50 କୋଟି ଟଙ୍କା ବୋଲି ଅନୁମାନ କରାଯାଉଛି ।
