କ୍ୟାଟ୍ରିନାଙ୍କ ବିବାହ ନେଇ ‘ଟାଇଗର-୩’ ଫିଲ୍ମର ଶୁଟିଂ ଅଟକାଇଲେ ସଲମାନ । ବଲିଉଡ ଲାଇଫର ରିପୋର୍ଟ ମୁତାବକ, ସଲମାନ ନିଜ କୋ-ଷ୍ଟାର କ୍ୟାଟ୍ରିନାଙ୍କ ବିବାହରେ ଯୋଗ ଦେବା ପାଇଁ ଶୁଟିଂ ଅଟକାଇ ଦେଇଛନ୍ତି ।
ନିକଟରେ ହେବାକୁ ଯାଉଛି କ୍ୟାଟ୍ରିନାଙ୍କ ବିବାହ । ଏହି ଖବରକୁ ନେଇ ଏବେ ଜୋରଦାର ଚର୍ଚ୍ଚା ଚାଲିଛି । ବିକ୍କି-କ୍ୟାଟ୍ରିନାଙ୍କ ବିବାହ ଟକ୍ ଅଫ୍ ଦ ଟାଉନ୍ ପାଲଟିଛି । ସେପଟେ ବି-ଟାଉନ ସେଲିବ୍ରିଟିମାନେ ମଧ୍ୟ ଏ ଦୁହିଁଙ୍କ ବିବାହକୁ ନେଇ ଧୁମ୍ଧାମରେ ଆରମ୍ଭ କରିଦେଇଛନ୍ତି ପ୍ରସ୍ତୁତି । ରାଜସ୍ଥାନର ଏକ ପ୍ୟାଲେସରେ ଡିସେମ୍ବର ମାସରେ ବିକି ଏବଂ କ୍ୟାଟ୍ରିନାଙ୍କ ବାଜିବ ଶାହାନାଇ । ବର୍ତ୍ତମାନ ନିଜ ଗ୍ରାଣ୍ଡ ୱେଣ୍ଡିଂ ପାଇଁ ଦୁହେଁ କାମରୁ କିଛି ସମୟ ପାଇଁ ବ୍ରେକ୍ ନେଇଛନ୍ତି ।
ଏହାରି ଭିତରେ ଖବର ଆସିଛି ଯେ, ବଲିଉଡର ଭାଇଜାନ ସଲମାନ ଖାନ ମଧ୍ୟ ନିଜ ଶୁଟିଂ ଅଟକାଇ ଦେଇଛନ୍ତି । କ୍ୟାଟ୍ରିନାଙ୍କ ବିବାହ ପାଇଁ ସେ ତାଙ୍କ ଅପ୍କମିଂ ଫିଲ୍ମ ‘ଟାଇଗର-୩’ର ଶୁଟିଂ ସ୍ଥଗିତ ରଖିଛନ୍ତି । ଜାନୁଆରୀ ମାସରେ ଶୁଟିଂକୁ ରି-ସେଡ୍ୟୁଲ କରାଯାଇଛି ।
