ସାଂଘାଇ : ଦିନକୁ ଦିନ ଚୀନରେ ସାଂଘାତିକ ହେଉଛି ପରିସ୍ଥିତି । ଓମିକ୍ରନ ଭାରିଆଣ୍ଟ ଯୋଗୁଁ ସ୍ଥିତି ଅଣାୟତ୍ତ ହୋଇ ପଡିଛି । ବିଶେଷଜ୍ଞଙ୍କ କହିବା ଅନୁଯାୟୀ , ଆଗକୁ ସ୍ଥିତି ଅତ୍ୟଧିକ ସଂଗୀନ ହେବ । ଚୀନର ଫୁଡାନ ବିଶ୍ୱବିଦ୍ୟାଳୟର ରିସର୍ଚ୍ଚ ଅନୁଯାୟୀ, ଯଦି ଚୀନ୍ ତାର ଜିରୋ କୋଭିଡ ପଲିସିରେ କୋହଳ କରେ ତେବେ ଜୁଲାଇ ସୁଦ୍ଧା ୧୬ ଲକ୍ଷ ଛୁଇଁବ ମୃତ୍ୟୁ ସଂଖ୍ୟା ।
୨୦୨୦ରେ ଯେବେ ସାରା ବିଶ୍ୱରେ କରୋନା ମହାମାରୀ ବ୍ୟାପିଥିବା ସମୟରେ ଚୀନର ଦାବି ଥିଲା ଯେ, ଆମ ଦେଶରେ କରୋନା ସଂକ୍ରମଣ କମିଛି । ୨୦୨୧ ରେ ଯେବେ ଡେଲଟା ଭାରିଆଣ୍ଟ ସାମ୍ନାକୁ ଆସିଲା ସେବେ ମଧ୍ୟ ଚୀନ ଦାବି କରିଥିଲା ଯେ, ୧୪ ଦିନରେ ସଂକ୍ରମଣକୁ ଏଡାଇ ପାରିଛୁ । କିନ୍ତୁ ଏବେ ଓମିକ୍ରନ ଭାରିଆଣ୍ଟ ସ୍ଥିତିକୁ ବଦଳାଇଦେଇଛି । ଡେଲଟା ତୁଳନାରେ ଓମିକ୍ରନ କେତେ ଗୁଣା ଅଧିକ ସଂକ୍ରମାକ ଅଟେ । ଚୀନର ସାଂଘାଇରେ ପରିସ୍ଥିତି ସାଂଘାତିକ ଅଟେ । ଏଠାରେ ୬ ସପ୍ତାହରୁ ଅଧିକ ଲକଡାଉନ ଲାଗିଛି । ୨୫ କୋଟିରୁ ଅଧିକ ଲୋକ ଲକଡାଉନରେ ଅଛନ୍ତି ।
