ଅଚାନକ ସମସ୍ତ ସ୍କୁଲ୍ ବୁଲି ପାଠପଢା ତଦାରଖ କରୁଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ

ବାଲେଶ୍ୱର : ଆକ୍ସନ ମୁଡରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ । ଗତ କିଛି ଦିନ ହେବ ଅଚାନକ ବିଭିନ୍ନ ଜିଲ୍ଲା ବୁଲି ପାଠପଢା ତଦାରଖ କରିବା ସହ ଛାତ୍ରଛାତ୍ରୀଙ୍କ ସମସ୍ୟା ପଚାରି ବୁଝୁଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ । ଆଜି ଅଚାନକ ବାଲେଶ୍ୱର ଜିଲ୍ଲା ଗସ୍ତ କରିଛନ୍ତି ଗଣଶିକ୍ଷା ମନ୍ତ୍ରୀ । ଜିଲ୍ଲା ଗସ୍ତ କରି ବିଭିନ୍ନ ସ୍କୁଲ ବୁଲି ଦେଖିଛନ୍ତି । ତେବେ ବାଇକରେ ବସି ବିଭିନ୍ନ ସ୍କୁଲ ବୁଲୁଛନ୍ତି ମନ୍ତ୍ରୀ । ଏହି ସମୟରେ ସେ ଶିକ୍ଷକ ଶିକ୍ଷୟତ୍ରୀ ଓ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ । କେମିତି ଚାଲିଛି ପାଠପଢା ସେ ବିଷୟରେ ବି ତଦାରଖ କରିଥିଲେ । ଏହାସହ ପିଲାମାନଙ୍କ ସମସ୍ୟା ଓ ସ୍କୁଲର ବିଭିନ୍ନ ପ୍ରସଙ୍ଗରେ ମଧ୍ୟ ଆଲୋଚନା କରିଛନ୍ତି । ଏହା ସହ କେନ୍ଦୁଝର ଜିଲ୍ଲା ମଧ୍ୟ ଗସ୍ତ କରିଥିଲେ ମନ୍ତ୍ରୀ ।