ପୁଣି ବ୍ରାଉନସୁଗାର ଜବତ । କଟାସ ଜଙ୍ଗଲ ପାଖ କଟା ବଣିଆ ଛକରେ ଡିଲ ବେଳେ କମିଶନରେଟ ପୋଲିସର ଚଢଉ । ଘଟଣାରେ ୪ଅଭିଯୁକ୍ତ ଗିରଫ ହେବା ସହ ୧୦୦ ଗ୍ରାମର ବ୍ରାଉନସୁଗାର ଜବତ କରିଛି ପୋଲିସ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୧୦ଲକ୍ଷ ଟଙ୍କା ହେବ ବୋଲି କୁହାଯାଉଛି ।
ପୁରୀ ଓ କେନ୍ଦ୍ରାପଡାରୁ ଆସି ଭୁବନେଶ୍ବରର ନୟାପଲ୍ଲୀ ଥାନା କଟାସ ଜଙ୍ଗଲ ପାଖ କଟା ବଣିଆ ଛକରେ ବ୍ରାଉନସୁଗାର ଡିଲ ବେଳେ ପୋଲିସ ଏମାନଙ୍କୁ ଗିରଫ କରିଛି । ଏନେଇ ଏକ ବିଶେଷସୁତ୍ରରୁ ଖବର ପାଇଥିଲା କମିଶନରେଟ ପୋଲିସ । ଏହାପରେ ନୟାପଲ୍ଲୀ ଥାନା ପୋଲିସ ଓ କ୍ୟୁଏଟି ମିଳିତ ଭାବେ ଉକ୍ତ ସ୍ଥାନରେ ଚଢାଉ କରି ଚାରି ଜଣଙ୍କୁ ଗିରଫ କରିଥିଲେ ।ଗିରଫ ଚାରି ଜଣ ହେଉଛନ୍ତି ପୁରୀ ଜିଲ୍ଲା ପିପିଲି ଅଞ୍ଚଳର ବିଜୟ କୁମାର ସାହୁ ଓରଫ ଚଗଲା, ପ୍ରଶାନ୍ତ କୁମାର ସାହୁ ଓ ଶୁଭବ୍ରତ ଦାସ, ଅନ୍ୟଜଣେ କେନ୍ଦ୍ରାପଡ଼ାର ଦୀପକ ନାୟକ ବୋଲି ଜଣାପଡିଛି ।
