ନୂଆଦିଲ୍ଲୀ, 1 ଜୁନ- ୨୦୨୬ JEE ଆଡ୍ଭାନ୍ସଡ ରେଜଲ୍ଟ ପ୍ରକାଶ ପାଇଛି। ଆଇଆଇଟି ଦିଲ୍ଲୀ ଜୋନ୍ରୁ ଶୁଭମ କୁମାର ଟପ୍ପର ହୋଇଛନ୍ତି। ସେ ମୋଟ୍ ୩୬୦ରୁ ୩୩୦ ନମ୍ବର ରଖି ଏହି ସଫଳତା ହାସଲ କରିଛନ୍ତି। ସେହିପରି ଆରୋହୀ ଦେଶପାଣ୍ଡେ ଏହି ପରୀକ୍ଷାରେ ମହିଳା ଟପ୍ପର ହୋଇଛନ୍ତି। ଆଇଆଇଟି ଦିଲ୍ଲୀ ଜୋନର କବୀର ଛିଲ୍ଲର ଏବଂ ଜତୈନ ଚହର ଯଥାକ୍ରମେ ଦ୍ୱିତୀୟ ଏବଂ ତୃତୀୟ ସ୍ଥାନ ହାସଲ କରିଛନ୍ତି, ଯାହା ଜୋନକୁ ଶ୍ରେଷ୍ଠ ରାଙ୍କର୍ସଙ୍କ ମଧ୍ୟରେ ଏକ ଦୃଢ଼ ସ୍ଥିତି ପ୍ରଦାନ କରିଛି। ମୋଟ ୧.୭୯ ଲକ୍ଷ ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ ସେଥିରୁ ୫୬,୮୮୦ ଜଣ କୃତକାର୍ଯ୍ୟ ହୋଇଛନ୍ତି। ଯୋଗ୍ୟ ପ୍ରାର୍ଥୀଙ୍କ ମଧ୍ୟରେ ୧୦,୧୦୭ ଜଣ ମହିଳା ଛାତ୍ରୀ ଅଛନ୍ତି।
