ପଶ୍ଚିମବଙ୍ଗ ହାଓ୍ବଡା ସ୍ଥିତ ଏକ ତେଲ ଗୋଦାମରେ ଭୟାବହ ଅଗ୍ନିକାଣ୍ତ । ଅଗ୍ନିଶମ ବିଭାଗର କର୍ମଚାରୀମାନେ ଯଥା ସମ୍ଭବ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରୁଥିବାବେଳେ ଏହି ନିଆଁ ଲିଭା କାର୍ଯ୍ୟରେ ଦଳକଳ ବାହିନୀର ୧୧ଟି ଗାଡ଼ି ନିୟୋଜିତ ଥିବା ଜଣାପଡ଼ିଛି । ସୂଚନା ଅନୁଯାୟୀ, ଶନିବାର ଦିନ ସକାଳେ ହାୱଡା ସଙ୍କରେଲ ଇଣ୍ଡଷ୍ଟ୍ର୍ରିଆଲ ପାର୍କରେ ଥିବା ଖାଇବା ତେଲ ଗୋଦାମରେ ଘଟିଛି ଏହି ଭୟଙ୍କର ଅଗ୍ନିକାଣ୍ଡ। ଏହି ଭୟଙ୍କର ଅଗ୍ନିକାଣ୍ଡ ପରେ ଗୋଦାମରୁ କଳା ଧୂଆଁ ବାହାରୁଥିବା ଦେଖାଯାଇଛି । ନିଆଁର ପ୍ରକୋପ ଅଧିକ ରହିଥିବାରୁ ଏହାକୁ ଆୟତ୍ତ କରିବା ନେଇ ନାକେଦମ ହୋଇଛନ୍ତି ଅଗ୍ନିଶମ କର୍ମଚାରୀ । ଅଗ୍ନିକାଣ୍ତ ଘଟିଥିବା ଗୋଦାମ ଶିଳ୍ପାଞ୍ଚଳରେ ଥିବାରୁ ନିକଟରେ ଥିବା ଇଣ୍ଡଷ୍ଟ୍ରି ଓ ଗୋଦାମକୁ ଯେପରି ନିଆଁ ନ ବ୍ୟାପେ ସେଥିପାଇଁ ଅଗ୍ନିଶମ କର୍ମଚାରୀ ଉଦ୍ୟମ ଜାରି ରଖିଛନ୍ତି । ଏଥିରେ କେହି ମୃତାହତ ହୋଇନଥିବା ଜଣାପଡ଼ିଛି । ଏଥିରେ କୋଟି କୋଟି ଟଙ୍କାର ସମ୍ପତ୍ତି ଜଳିଯାଇଥିବା ଆକଳନ କରାଯାଉଛି । ତେବେ ନିଆଁ ଲିଭିବା ପରେ କ୍ଷୟକ୍ଷତିର ଆକଳନ କରାଯିବ ।
