ଚିଲିକା ବିଧାୟକ ପ୍ରଶାନ୍ତ ଜଗଦେବଙ୍କୁ ନେଇ ଏକ ବଡ ବୟାନ ଦେଇଛନ୍ତି ବିଜେଡି ସାଂସଦ ସସ୍ମିତ ପାତ୍ର। “ସେ କହିଛନ୍ତି ଯେ ପ୍ରଶାନ୍ତ ଖୁବ ଶୀଘ୍ର ବିଜେପିରେ ମିଶିବାକୁ ଯାଉଛନ୍ତି। ବିଜେଡି କୌଣସି ହିଂସାରେ ବିଶ୍ୱାସ କରେନାହିଁ । ଏବଂ ଏମିତି କିଛି ଅପ୍ରୀତିକର ଘଟଣା ଘଟିନାହିଁ । ଯଦି ହୋଇଥାନ୍ତା ବିଜେଡି କାର୍ଯ୍ୟାନୁଷ୍ଠାନ ନେଇଥାନ୍ତା । ତେବେ ବାଲୁଗାଁ ଚିଲିକାରେ ୮ ସେପ୍ଟେମ୍ବର ୨୦୨୧ ରେ ବିଜେଡିରେ ଥିବା ବିଧାୟକ ପ୍ରଶାନ୍ତ ଜଗଦେବ ବିଜେପି ନଗର ମଣ୍ଡଳ ସଭାପତିଙ୍କୁ ବାଡ଼ଉଥିବା ଘଟଣା ସାମ୍ନାକୁ ଆସିବା ପରେ ତାଙ୍କୁ ସଙ୍ଗେ ସଙ୍ଗେ ଦଳରୁ ମୁଖ୍ୟମନ୍ତ୍ରୀ ନିଲମ୍ବନ କରିଥିଲେ । ମୁଖ୍ୟମନ୍ତ୍ରୀ ଗୁଣ୍ଡାରାଜ ଏବଂ ବିଶୃଙ୍ଖଳାକୁ ବରଦାସ୍ତ କରନ୍ତି ନାହିଁ । ଏହା ମୁଖ୍ୟମନ୍ତ୍ରୀଙ୍କ ଚିନ୍ତାଧାରା ଏବଂ ଭାବନା । ଆଉ ନିଲମ୍ବନ ପରେ ଏବେ ବିଜେପିର ଗେହ୍ଲା ପୁଅ ସାଜିଛନ୍ତି ଚିଲିକା ବିଧାୟକ ପ୍ରଶାନ୍ତ ଜଗଦେବ । ଧର୍ମେନ୍ଦ୍ର ପ୍ରଧାନଙ୍କ ଆଶୀର୍ବାଦ କ୍ରମେ ଘନ ଘନ ବୈଠକ କରି ବିଜେପିରେ ମିଶିବାକୁ ଯାଉଛନ୍ତି । ଯାହାକୁ ବିଜେଡିରୁ ବହିଷ୍କାର କରାଗଲା କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କୁ ଆପଣାଉଛନ୍ତି।” ଏଭଳି ବ୍ୟକ୍ତିଙ୍କୁ ଆପଣାଇ କଣ ବାର୍ତ୍ତା ଦେବାକୁ ଚାଁହୁଛନ୍ତି ଧର୍ମେନ୍ଦ୍ର ପ୍ରଧାନ । ଏଭଳି ପ୍ରଶ୍ନ କରିଛନ୍ତି ବିଜେଡ଼ି ସାଂସଦ ସସ୍ମିତ ପାତ୍ର ।
