ଭାରତ ସହ ଦ୍ୱିପାକ୍ଷିକ ସମ୍ପର୍କକୁ ଧିରେ ଧିରେ ମଜବୁତ କରୁଛି ଯୁକ୍ତରାଷ୍ଟ୍ର ଆମେରିକା। ରାଷ୍ଟ୍ରପତି ଜୋ ବାଇଡେନଙ୍କ ନେତୃତ୍ୱାଧିନ ପ୍ରଶାସନ ବିଗତ ବର୍ଷ ୧ ଲକ୍ଷ ୪୦ ହଜାରରୁ ଅଧିକ ଭାରତୀୟ ଛାତ୍ରଙ୍କୁ ଭିସା ପ୍ରଦାନ କରି ଭାରତର ଲୋକଙ୍କ ସହ ସମ୍ପର୍କ ବୃଦ୍ଧି କରିବାକୁ ଲକ୍ଷ୍ୟ ରଖିଛି। ଏହା ସହିତ ଭିସା ପାଇଁ ହେଉଥିବା ସାକ୍ଷାତକାରର ଅପେକ୍ଷା ସମୟକୁ ହ୍ରାସ କରିବାକୁ ଆମେରିକୀୟ ପ୍ରଶାସନ ଅନେକ ପଦକ୍ଷେପ ନେଉଛି। ଏକ ଘରୋଇ ନ୍ୟୁଜ ରିପୋର୍ଟ ଅନୁଯାୟୀ ଭିସା ସେବା ବିଭାଗ ଡେପୁଟି ଆସିଷ୍ଟାଣ୍ଟ ସେକ୍ରେଟେରୀ ଜୁଲି ଷ୍ଟଫ୍ଟ କହିଛନ୍ତି ଯେ ଭାରତରେ ଆମେରିକାର ମିଶନ୍ ସପ୍ତାହରେ ୬-୭ ଦିନ କାମ କରି କ୍ଲାସ୍ ଆରମ୍ଭ ହେବା ପୂର୍ବରୁ ଛାତ୍ରଙ୍କ ସାକ୍ଷାତକାର ଦିଆଯାଉ। ସେ କହିଛନ୍ତି ଯେ ଭାରତ ପକ୍ଷରୁ ଆସୁଥିବା ଦାବି ପୂରଣ ପାଇଁ ଚଳିତ ବର୍ଷ ଆମେରିକା ବହୁତ ଚେଷ୍ଟା କରିଛି। ଏଥିସହ ସେ କହିଛନ୍ତି ଯେ ଆମେ ଚଳିତ ବର୍ଷ ଭାରତ ବର୍ଷରେ ଯାହା କରିଛୁ ସେଥିପାଇଁ ଆମେ ଗର୍ବିତ। ମୁଁ ବିଶ୍ୱାସ କରେ ଯେ ଇତିହାସରେ ପ୍ରଥମ ଥର ପାଇଁ ଆମେ ଭାରତକୁ ୧୦ ଲକ୍ଷ ଭିସା ପ୍ରଦାନ କରିବାର ଲକ୍ଷ୍ୟ ସ୍ଥିର କରିଛୁ। ଆମେ କେବଳ ଏହି ଲକ୍ଷ୍ୟ ହାସଲ କରିନାହୁଁ। ଯେଉଁ କାମକୁ ଅନେକ ମାସ ପୂର୍ବରୁ କରାଯାଇଥିଲା। ଏହି ଉପାୟରେ ଭିସା ଜାରି କରିବାର ସଂଖ୍ୟା ଏହା ଠାରୁ ଅଧିକ ହୋଇଯାଇପାରେ। କେବଳ ଏତିକି ନୁହେଁ ଫରେନ ପ୍ରେସ ସେଣ୍ଟର ଦ୍ୱାରା ଆୟୋଜିତ ହୋଇଥିବା ଏକ ସମ୍ମିଳନରେ ବିଦେଶୀ ସାମ୍ବାଦିକଙ୍କ ସହ କଥାବାର୍ତ୍ତା କରି ଜୁଲି ଷ୍ଟଫ୍ଟ କହିଛନ୍ତି ଯେ ଚଳିତ ବର୍ଷ ଆମେରିକା ବର୍ତ୍ତମାନ ପର୍ଯ୍ୟନ୍ତ ୧ କୋଟିରୁ ଅଧିକ ଭିସା ଜାରି କରିସାରିଛି। ଯାହା ଏହାର ଆକଳନ ଠାରୁ ୨୦ ଲକ୍ଷ ଅଧିକ। ଏଥର ସର୍ବାଧିକ ସଂଖ୍ୟାରେ ଭିସା ଜାରି କରାଯାଇଥିବା ନେଇ ଆମେରିକୀୟ ବିଦେଶ ମିଶନ ପକ୍ଷରୁ କୁହାଯାଇଛି। ଆମେରିକୀୟ ପ୍ରଶାସନ ଆସନ୍ତା ୨୦୨୪ ପର୍ଯ୍ୟନ୍ତ ଭିସା ପାଇଁ କରାଯାଉଥିବା ଅପେକ୍ଷା ସମୟକୁ ହ୍ରାସ କରିବାକୁ ବହୁତ କଠିନ ପରିଶ୍ରମ କରୁଥିବାର କହିଛନ୍ତି ଭିସା ସେବା ବିଭାଗ ଡେପୁଟି ଆସିଷ୍ଟାଣ୍ଟ ସେକ୍ରେଟେରୀ ଜୁଲି ଷ୍ଟଫ୍ଟ।
