ଜମ୍ମୁ-କାଶ୍ମୀରରୁ ଧାରା ୩୭୦ ହଟିବା ପରେ ରାଜ୍ୟର ସ୍ଥାୟୀ ବାସିନ୍ଦାଙ୍କୁ ବିଶେଷ ଅଧିକାର ଦେଇଥିବା ସମ୍ବିଧାନର ଧାରା ୩୫ଏ ଭାରତର ଅନେକ ମୌଳିକ ଅଧିକାର ଛଡ଼ାଇ ନେଇଛି। ଜାମ୍ମୁ କାଶ୍ମୀରରୁ ଧାରା ୩୭୦ ରଦ୍ଦ ହେବା ମାମଲାର ଶୁଣାଣି ସମୟରେ ସୁପ୍ରିମକୋର୍ଟ ଗତ ସୋମବାର ଏହି ମନ୍ତବ୍ୟ ଦେଇଛନ୍ତି।
୧୯୫୪ ମସିହାରେ ରାଷ୍ଟ୍ରପତିଙ୍କ ଆଦେଶ ଦ୍ୱାରା ସମ୍ବିଧାନରେ ଯୋଡି ହୋଇଥିବା ଧାରା ୩୫ଏ ଲୋକମାନଙ୍କ ପାଇଁ ଅତି କମରେ ତିନୋଟି ମୌଳିକ ଅଧିକାରର ଛଡ଼ାଇ ନେଇଛି ବୋଲି ଭାରତର ପ୍ରଧାନ ବିଚାରପତି ଧନଞ୍ଜୟ ୱାୟି. ଚନ୍ଦ୍ରଚୁଡ଼ଙ୍କ ସମ୍ବିଧାନ ବେଞ୍ଚ କହିଛନ୍ତି।ପ୍ରଧାନ ବିଚାରପତିଙ୍କ ସହ ଏହି ବେଞ୍ଚରେ ଜଷ୍ଟିସ ସଞ୍ଜୟ କୃଷ୍ଣ କୌଲ, ଜଷ୍ଟିସ ସଂଜୀବ ଖାନ୍ନା, ଜଷ୍ଟିସ ଭୂଷଣ ଆର ଗାଭାଇ ଏବଂ ଜଷ୍ଟିସ ସୂର୍ଯ୍ୟକାନ୍ତ ଅଛନ୍ତି।
ସମ୍ବିଧାନ ପୀଠ କହିଛନ୍ତି ଯେ ୧୯୫୪ ର ସାମ୍ବିଧାନିକ ଆଦେଶ ପାର୍ଟ ତୃତୀୟ (ମୌଳିକ ଅଧିକାର ସମ୍ଭଧିତ) ଜାମ୍ମୁ-କାଶ୍ମୀରରେ ଲାଗୁ କରାଯାଇଥିଲା , କିନ୍ତୁ ଏହା କ୍ରମରେ ଧାରା ୩୫ଏ ପ୍ରସ୍ତୁତ କରାଯାଇଥିଲା ଯାହା ତିନୋଟି କ୍ଷେତ୍ରରେ ବ୍ୟତିକ୍ରମ କରି ଲୋକଙ୍କ ତିନୋଟି ମୂଲ୍ୟବାନ ମୌଳିକ ଅଧିକାର ଛଡ଼ାଇ ନେଇଥିଲା।
ଧାରା ୩୫ଏ ଅନୁଯାୟୀ ଜାମ୍ମୁ କାଶ୍ମୀରବାସୀଙ୍କୁ ବିଶେଷ ଅଧିକାର ଦିଆଯାଇଥିଲା । ଏହା ସହ ରାଜ୍ୟ ବିଧାନସଭା ଏପରି ଆଇନ ପ୍ରଣୟନ କରିବାର ଅଧିକାର ପାଇଲା, ଯାହା ଅନ୍ୟ ରାଜ୍ୟର ଲୋକଙ୍କ ସମାନତା ଅଧିକାର କିମ୍ବା ଭାରତୀୟ ସମ୍ବିଧାନ ଅନୁଯାୟୀ ଅନ୍ୟ କୌଣସି ଅଧିକାରର ଉଲ୍ଲଂଘନ ହେତୁ ଚ୍ୟାଲେଞ୍ଜ କରାଯାଇପାରିବ ନାହିଁ ।
ଧାରା ୩୭୦ ଅନୁଯାୟୀ ଦିଆଯାଇଥିବା କ୍ଷମତା ବ୍ୟବହାର କରି ଧାରା ୩୫ଇ ସମ୍ବିଧାନରେ ଯୋଡା ଯାଇଥିଲା । ଅଗଷ୍ଟ ୨୦୧୯ ରେ, ଧାରା ୩୭୦, ୩୫ଇ ରଦ୍ଦ ସହିତ ମଧ୍ୟ ରଦ୍ଦ ହେଲା ।ତେବେ ଧାର ୩୫ଏ ରେ ଥିବା ମୌଳିକ ଅଧିକାର ଗୁଡିକ ହେଉଛି
୧- ଧାରା ୧୬ (୧) ଅନୁଯାୟୀ ସର୍ବସାଧାରଣ ଚାକିରିରେ ସମସ୍ତ ନାଗରିକଙ୍କ ପାଇଁ ସୁଯୋଗର ସମାନତା।
୨- ଧାରା ୧୯ (୧) (ଏଫ୍) ଏବଂ ୩୧ ଅନୁଯାୟୀ ସମ୍ପତ୍ତି ଅଧିଗ୍ରହଣ।
୩- ଧାରା ୧୯ (୧) (ଇ) ଅନୁଯାୟୀ ଦେଶର ଯେକୌଣସି ଅଞ୍ଚଳରେ ବସବାସ କରିବାର ଅଧିକାର।
