ସ୍ୱାଭିମାନ ପ୍ରକଳ୍ପ ମାଧ୍ୟମରେ ୧୦ ଲକ୍ଷ ମହିଳାଙ୍କୁ ସଶକ୍ତ କରିବ ଅଦାନୀ ଫାଉଣ୍ଡେସନ୍

ଅଦାନୀ ଫାଉଣ୍ଡେସନ୍ ତାଙ୍କର ମହିଳା ସଶକ୍ତିକରଣ ପ୍ରକଳ୍ପ ‘ସ୍ୱାଭିମାନ’କୁ ବ୍ୟାପକ ସ୍ତରରେ ବିସ୍ତାର କରିବାକୁ ଘୋଷଣା କରିଛି। ଏହି ପ୍ରୟାସ ମାଧ୍ୟମରେ ସାରା ଦେଶରେ ୧୦ ଲକ୍ଷ ମହିଳାଙ୍କୁ ସମର୍ଥନ ଓ ସଶକ୍ତ କରିବା ଲକ୍ଷ୍ୟ ରଖାଯାଇଛି।
ମୁମ୍ବାଇର ନ୍ୟାସନାଲ୍ ସେଣ୍ଟର୍ ଫର୍ ପର୍ଫର୍ମିଙ୍ଗ ଆର୍ଟସ୍‌ରେ ଆୟୋଜିତ ‘ସ୍ୱାଭିମାନ – ଦ ରାଇଜ୍ ଅଫ୍ ଶୀ’ କାର୍ଯ୍ୟକ୍ରମରେ ଏହି ଘୋଷଣା କରାଯାଇଥିଲା। ପ୍ରକଳ୍ପ ମାଧ୍ୟମରେ ମହିଳାମାନଙ୍କୁ ଦକ୍ଷତା ବିକାଶ, ଉଦ୍ୟମୀ ପ୍ରଶିକ୍ଷଣ, ଆର୍ଥିକ ସାକ୍ଷରତା ଓ ଡିଜିଟାଲ୍ ସାକ୍ଷରତା ଦେଇ ସେମାନଙ୍କର ଜୀବିକାକୁ ସୁଦୃଢ କରାଯିବ।
ଏହି ପ୍ରକଳ୍ପର ପ୍ରଥମ ପର୍ଯ୍ୟାୟ ମହାରାଷ୍ଟ୍ରରୁ ଆରମ୍ଭ ହେବ। ପ୍ରଥମ ବର୍ଷରେ ୧ ଲକ୍ଷ ମହିଳାଙ୍କୁ ସଶକ୍ତ କରିବା ଲକ୍ଷ୍ୟ ରଖାଯାଇଛି। ଏହି ପ୍ରୟାସ ମାଧ୍ୟମରେ ମହିଳାମାନେ ମାଇକ୍ରୋ ଉଦ୍ୟମ ଓ ସ୍ଥାନୀୟ ବ୍ୟବସାୟ ଆରମ୍ଭ କରିବାରେ ସହଯୋଗ ପାଇବେ।
‘ସ୍ୱାଭିମାନ’ ପ୍ରକଳ୍ପ ମହିଳା ଆର୍ଥିକ ବିକାଶ ମହାମଣ୍ଡଳ ସହ ମିଳିତ ଭାବରେ ସରକାର–ବେସରକାରୀ ସହଯୋଗ ମଡେଲ୍‌ରେ କାର୍ଯ୍ୟାନୁଷ୍ଠିତ ହେଉଛି। ଏପର୍ଯ୍ୟନ୍ତ ଏହି ପ୍ରକଳ୍ପ ମୁମ୍ବାଇର ୪୫୦୦ରୁ ଅଧିକ ଅବହେଳିତ ସମୁଦାୟର ମହିଳାଙ୍କୁ ପ୍ରଶିକ୍ଷଣ ଓ ଆର୍ଥିକ ସଚେତନତା ଦେଇ ସ୍ଥାୟୀ ଜୀବିକା ଗଢ଼ିବାରେ ସହଯୋଗ କରିଆସୁଛି।