ରାଇରଙ୍ଗପୁର ଥାନା ମହୁଲଡିଆ ଛକରେ ମର୍ମନ୍ତୁଦ ଦୁର୍ଘଟଣାରେ ୨ଜଣଙ୍କ ଜୀବନ ଯାଇଛି। ସଡ଼କ ଦୁର୍ଘଟଣା ପରେ ୨ ଗାଡ଼ିରେ ନିଆଁ ଲାଗିଯାଇ ୨ଜଣ ମୃତ୍ୟୁ ହୋଇଥିବା ସୂଚନା ମିଳିଛି। ରାୟରଙ୍ଗପୁର ଥାନା ମହୁଲଡିଆ ଛକରେ ପିକଅପ-ବାଇକ ମୁହାଁମୁହିଁ ଧକ୍କା ହେବାରୁ ଉଭୟ ଗାଡ଼ିରେ ନିଆଁ ଲାଗି ଯାଇଥିଲା। ପିକଅପ-ବାଇକ ମୁହାଁମୁହିଁ ଧକ୍କା ହେବା ଫଳରେ ବାଇକରେ ବସିଥିବା ୨ ଆରୋହୀ ଛିଟିକି ପଡ଼ିଥିଲେ ଏବଂ ସେମାନଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ୨ ମୃତ ବାଇକ ଆରୋହୀ ତିରିଂ ଥାନା ଅଞ୍ଚଳର ବୋଲି ସୂଚନା ମିଳିଛି।
