ରାୟପୁର: ଟଳିଲେ ୪ ନକ୍ସଲ, ଜଣେ କନଷ୍ଟେବଳ ସହିଦ। ଛତିଶଗଡ ଅବୁଝମାଡ ଜଙ୍ଗଲରେ ବଡଧରଣର ଏନକାଉଣ୍ଟର ହୋଇଛି। ସୁରକ୍ଷାକର୍ମୀଙ୍କୁ ବଡ ସଫଳତା ମିଳିଛି। ସୁରକ୍ଷାକର୍ମୀ ମାନେ ୪ ନକ୍ସଲଙ୍କୁ ନିପାତ କରିଥିବା ସୂଚନା ମିଳିଛି। ଏବଂ ମାଓବାଦୀଙ୍କ ପାଲଟା ଜବାବରେ ଜଣେ କନଷ୍ଟେବଳ ସହିଦ ହୋଇଛନ୍ତି। ସୂଚନା ଅନୁସାରେ ନକ୍ସଲ ଦମନ ଅଭିଯାନରେ ଛତିଶଗଡ ଅବୁଝମାଡରେ ଅପରେସନ୍ ଆରମ୍ଭ ହୋଇଥିଲା। ଶନିବାର ସନ୍ଧ୍ୟାରୁ ନକ୍ସଲ ଏବଂ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ଆରମ୍ଭ ହୋଇଥିଲା। ତେବେ ଦୀର୍ଘ ସମୟର ଗୁଳି ବିନିମୟ ପରେ ସୁରକ୍ଷାକର୍ମୀ ମାନେ ୪ ନକ୍ସଲଙ୍କୁ ନିପାତ କରିବାରେ ସଫଳ ହୋଇଛନ୍ତି। ନକ୍ସଲ ମାନଙ୍କ ପାଲଟା ଆକ୍ରମଣରେ କନଷ୍ଟେବଳ ସାନୁ କରମ ସହିଦ ହୋଇଛନ୍ତି। ଘଟଣାସ୍ଥଳକୁ ଏକେ ୪୭ ସହ ବିପୁଳ ପରିମାଣର ମାଓ ସାମଗ୍ରୀ ଜବତ ହୋଇଛି।
