ନୂଆଦିଲ୍ଲୀ : ଉତ୍ତରପ୍ରଦେଶର ଫିରୋଜାବାଦରେ ମର୍ମନ୍ତୁଦ ସଡକ ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ହୋଇଛି । ଏହାସହ ୨୪ରୁ ଅଧିକ ଲୋକେ ଆହତ ହୋଇଛନ୍ତି । ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ମୃତକଙ୍କ ମଧ୍ୟରେ ୩ ଜଣ ପୁରୁଷ ଓ ୨ ଜଣ ମହିଳା ରହିଛନ୍ତି । ଆଗ୍ରା-ଲଖନଉ ଏକ୍ସପ୍ରେସୱେରେ ଫିରୋଜାବାଦର ନସୀରପୁର ଥାନା ନିକଟରେ ପର୍ଯ୍ୟଟକ ବସ୍ ଓ ଡମ୍ଫର ଧକ୍କା ହୋଇ ଏହି ଦୁର୍ଘଟଣା ଘଟିଛି । ବସ୍ରେ ଥିବା ସମସ୍ତ ଯାତ୍ରୀ ମଥୁରାରୁ ଫେରୁଥିଲେ। ବସ୍ ଚାଳକର ଆଖି ଲାଗି ଯିବାରୁ ଫିରୋଜାବାଦରେ ରାସ୍ତା କଡରେ ଗାଡି ଅନିୟନ୍ତ୍ରିତ ହୋଇ ଏକ ଡମ୍ଫରକୁ ପଛପଟୁ ଧକ୍କା ଦେଇଥିଲା।
