କୋଟିଆ ଅଞ୍ଚଳର ସବୁ ଗାଁରେ ଲାଗିଲା ଓଡ଼ିଆ ନାମଫଳକ

କୋଟିଆ ଅଞ୍ଚଳର ସବୁ ଗାଁରେ ଲାଗିଲା ଓଡ଼ିଆ ନାମଫଳକ । ସ୍ୱାଧୀନତା ଦିବସ ପୂବରୁ ୨୧ଟି ଗାଁରେ ଓଡ଼ିଆରେ ରାଜ୍ୟ ସରକାର ନାମ ଫଳକ ଲଗାଇଛନ୍ତି । କୋଟିଆ ଓଡ଼ିଶାର, ଏନେଇ ଓଡିଆ ଫଳକ ଲଗାଇଛନ୍ତି ସରକାର । ଅଞ୍ଚଳକୁ ଅକ୍ତିଆର କରିବା ପାଇଁ ଆନ୍ଧ୍ରର ସବୁ ପ୍ଲାନକୁ ଫେଲ କରିବା ଲାଗି ପ୍ରସ୍ତୁତ ରହିଛି କୋରାପୁଟ ଜିଲ୍ଲା ପ୍ରଶାସନ । ଆସନ୍ତାକାଲି କୋଟିଆରେ ଓଡ଼ିଶା ପକ୍ଷରୁ ସ୍ୱାଧୀନତା ଦିବସ ପାଳନ ନେଇ ମଧ୍ୟ ପ୍ରସ୍ତୁତି ଆରମ୍ଭ ହୋଇଛି । ଆନ୍ଧ୍ରପ୍ରଦେଶ ସରକାର କୋଟିଆ ଅଞ୍ଚଳରେ ରହିଥିବା ଖଣିଜ ସମ୍ପଦକୁ ହାତେଇବା ପାଇଁ ଅଞ୍ଚଳବାସୀଙ୍କୁ ବିଭିନ୍ନ ଲାଳସା ଦେଖାଉଛି । ଓଡିଶା କିନ୍ତୁ ଅଞ୍ଚଳବାସୀଙ୍କ ସର୍ବାଙ୍ଗୀନ ଉନ୍ନତି ନିମନ୍ତେ ସବୁ ବେଳେ ଚେଷ୍ଟା ଜାରି ରଖିଛି । ଏନେଇ କୋଟିଆର ବିବାଦୀୟ ୨୧ଟି ଗାଁରେ ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ଓଡ଼ିଆରେ ନାମ ଫଳକ ଲଗାଇଛି ଜିଲ୍ଲା ପ୍ରଶାସନ ।