ରାଉରକେଲା କୋଏଲ ନଦୀରେ ଏକ ଅଘଟଣ ଘଟିଛି । ନଦୀରେ ବୁଡି ୨ ଭାଇଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ନିଖୋଜ ଅଛନ୍ତି । ଏ ସମସ୍ତେ ଗୋଟିଏ ପରିବାର ହୋଇଥିବା ଜଣାପଡିଛି । ୨ ଭାଇଙ୍କର ଘଟଣାସ୍ଥଳରେ ମୁତ୍ୟୁ ହୋଇଥିବା ବେଳେ ଆଉ ୨ଭାଇ ବର୍ତ୍ତମାନ ନିଖୋଜ ରହିଛନ୍ତି । ଝିରିପାଣି ପମ୍ପ ହାଉସ ନିକଟରେ ଏହି ଦୁର୍ଘଟଣା ଘଟିଛି । ନିଖୋଜଙ୍କୁ ଉଦ୍ଧାର ପାଇଁ ଅଗ୍ନିଶମବାହିନୀ ଉଦ୍ୟମ ଜାରିରଖିଛନ୍ତି । ପବିତ୍ର ବାହୁଡା ଯାତ୍ରାରେ ସାଙ୍ଗ ହୋଇ ଅଫେରା ରାଇଜକୁ ଫେରି ଯାଇଛନ୍ତି ଦୁଇ ଭାଇ । ଗାଧୋଇବା ସମୟରେ ରାଉରକେଲାର ଝିରିପାଣି ପମ୍ପ ହାଉସ ନିକଟ କୋଏଲ ନଦୀରେ ୪ ଜଣ ନାବାଳକ ବୁଡି ଯାଇଥିଲେ । ତେବେ ଦୁଇ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଉଭୟଙ୍କୁ ଆରଜିଏଚରେ ମୃତ ଘୋଷଣା କରାଯାଇଛି । ସେପଟେ ବୁଡିଯାଇଥିବା ଅନ୍ୟ ଦୁଇ ଜଣଙ୍କ ପତ୍ତା ଏପର୍ଯ୍ୟନ୍ତ ମିଳି ପାରିନାହିଁ । ଦୁହିଁଙ୍କୁ ଉଦ୍ଧାର କରିବା ପାଇଁ ଅଗ୍ନିଶମ ବାହିନୀ ଏବେ ବି ଚେଷ୍ଟା ଜାରି ରଖିଛନ୍ତି । ଅଘଟଣର ଶିକାର ହୋଇଥିବା ସମସ୍ତେ ନାବାଳକ ଏବଂ ସମ୍ପର୍କରେ ଭାଇ ଭାଇ ବୋଲି ଜାଣିବାକୁ ମିଳିଛି । ତେବେ ଏମିତି ଏକ ପବିତ୍ର ଦିନରେ ଏ ଅଘଟଣ ଘଟିବା ପରେ ପରିବାର ଉପରେ ସତେ ଯେମିତି ଦୁଃଖର ପାହାଡ ଭାଙ୍ଗି ପଡିଛି ।
