ଭୁବନେଶ୍ୱରରୁ ଜୟପୁରକୁ ବିମାନ ଉଡାଣ । ଆଜି ସକାଳ 10ଟା 15 ମିନିଟରେ ଭୁବନେଶ୍ୱରରୁ ଜୟପୁରକୁ ପରୀକ୍ଷାମୂଳକ ଭାବେ ଉଡ଼ିଲା ଇଣ୍ଡିଆ ଏୟାର ୱାନ ବିମାନ । ଏହି ସମୟରେ ବିମାନ ଭିତରେ କୌଣସି ଯାତ୍ରୀ ଉପସ୍ଥିତ ନଥିଲେ ।
ପରୀକ୍ଷାମୂଳକ ଭାବେ ବିନା ଯାତ୍ରୀରେ କେବଳ କର୍ମଚାରୀଙ୍କୁ ନେଇ ଇଣ୍ଡିଆ ଏୟାର ୱାନ ବିମାନ ଉଡାଣ ଭରିଛି । ୪୦ ମିନିଟ୍ ପରେ ଏହା ଜୟପୁରରେ ପହଞ୍ଚିଛି । ଏହାପରେ ପୁଣି ମଧ୍ୟାହ୍ନ ୧୨ଟାରେ ବିମାନଟି ଜୟପୁରରୁ ଭୁବନେଶ୍ବର ଅଭିମୁଖେ ବାହାରିବ । ଏନେଇ ସୂଚନା ଦେଇଛନ୍ତି ଭୁବନେଶ୍ବର ଅନ୍ତର୍ଜାତୀୟ ବିମାନ ବନ୍ଦର ନିର୍ଦ୍ଦେଶକ ପ୍ରସନ୍ନ ପ୍ରଧାନ ।
