ଭୁବନେଶ୍ୱର, 27 ନଭେମ୍ବର – ବାଲେଶ୍ୱର ଜିଲ୍ଲା ଜଳେଶ୍ୱରରେ ଦୁର୍ଘଟଣା । ବାଇକ ଧକ୍କାରେ ଦୁଇ ପଞ୍ଚୁକ ବ୍ରତଧାରୀ ଗୁରୁତର। ଜଳେଶ୍ୱର ଥାନା ଅନ୍ତର୍ଗତ ନାମ୍ପୋ ଛକ ନିକଟରେ ଏହି ଦୁର୍ଘଟଣା ଘଟିଛି । ଜଗନ୍ନାଥ ମନ୍ଦିରରେ ଦର୍ଶନ ପାଇଁ ଚାଲି ଚାଲି ଯାଉଥିବା ବେଳେ ଦ୍ରୁତଗତି ଆସୁଥିବା ଏକ ବାଇକ ଧକ୍କା ଦେଇଥିଲା । ଘଟଣା ସ୍ଥଳରୁ ସ୍ଥାନୀୟ ଲୋକେ ଉଦ୍ଧାର କରି ଜଳେଶ୍ୱର ଜିକେ ଭଟ୍ଟର ହସ୍ପିଟାଲରେ ଭର୍ତ୍ତି କରିଥିବା ସୂଚନା ମିଳିଛି । ଗୁରୁତର ମାନଙ୍କ ଘର ନାମ୍ପୋ ଅଞ୍ଚଳର ବୋଲି ଜଣାପଡିଛି । ପୋଲିସ ବାଇକ ଚାଳକକୁ ଅଟକ ରଖିଛି ।
