ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଥିବା ଗୃହ ମନ୍ତ୍ରଣାଳୟ ଅଫିସରେ ଭୟଙ୍କର ଅଗ୍ନିକାଣ୍ଡ । ରାଜଧାନୀ ଦିଲ୍ଲୀର ନର୍ଥ ବ୍ଲକରେ ଥିବା ଗୃହ ମନ୍ତ୍ରଣାଳୟର ଅଫିସରେ ବିଳମ୍ବିତ ରାତି ପ୍ରାୟ ୧୨ଟା ବେଳେ ନିଆଁ ଲାଗିଥିଲା । ଖବର ପାଇ ଘଟଣାସ୍ଥଳରେ ୭ଟି ଅଗ୍ନିଶମ ବାହିନୀ ପହଞ୍ଚି ନିଁଆକୁ ଆୟତ୍ତ କରିଥିଲା । ନିଆଁକୁ ସମ୍ପୂର୍ଣ୍ଣ ଭାବେ ଆୟତ୍ତ କରିବାପାଇଁ ଅଗ୍ନିଶମ ବାହିନୀକୁ ପ୍ରାୟ ଅଧଘଣ୍ଟା ସମୟ ଲାଗିଥିଲା ।
ଅଗ୍ନିଶମ ବିଭାଗର ସୂଚନା ଅନୁସାରେ, ଗୃହ ମନ୍ତ୍ରଣାଳୟ ଅଫିସର ୮୨ ଏ ଓ ବି ରୁମ୍ ନମ୍ବରରେ ନିଆଁ ଲାଗିଥିଲା, ଯାହାକି ଟେଲିଫୋନ୍ ଏକ୍ସଚେଞ୍ଜର ଅଫିସ୍ ବୋଲି କୁହାଯାଉଛି । ତେବେ କିପରି ନିଆଁ ଲାଗିଲା , ଏ ବିଷୟରେ କୌଣସି ସୂଚନା ମିଳିପାରିନାହିଁ ।
ଜଣେ ଅଧିକାରୀ ଏହି ଘଟଣାର ସୁଚନା ଦେଇ କହିଛନ୍ତି ଯେ, ‘ନିଆଁକୁ ନିୟନ୍ତ୍ରଣ କରାଯାଇଛି । ଏପର୍ଯ୍ୟନ୍ତ କେଯଣସି ମୃତାହତ ହେବାର ସୂଚନା ନାହିଁ ।’
