ଜଳକା ନଦୀର ଶାଖା ନଦୀରେ ବୁଡି ଭାସିଗଲେ ନାବାଳକ । ବିଲରୁ ଫେରୁଥିବାବେଳେ ବାଲେଶ୍ୱର ଜିଲ୍ଲା ବସ୍ତା ଥାନା ଅଂଚଳର ଶାଖା ନଦୀରେ ଘଟିଯାଇଛି ଏଭଳି ଅଘଟଣ । ଖବର ପାଇ ODRAF ଟିମ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
ମିଳିଥିବା ସୂଚନା ଅନୁଯାୟୀ, ଆଜି ଅପରାହ୍ନ ପାଖାପାଖି ଦିନ ୧ଟା ସମୟରେ ପଳାସିଆ ଗ୍ରାମର ରାଧାଶ୍ୟାମ ମହାପାତ୍ରଙ୍କର ୧୩ବର୍ଷର ପୁଅ ଜନ୍ମେଜୟ ମହାପାତ୍ର ବିଲରୁ ଘରକୁ ଫେରୁଥିଲା । ଏହି ସମୟରେ ଗ୍ରାମ ପାଖଦେଇ ପ୍ରବାହିତ ହୋଇଥିବା ଜଳକା ନଦୀର ଶାଖା ନଦୀର ବନ୍ଧରେ ଅତଡା ଖସିଯିବାରୁ ତାର ଗୋଡ଼ ଖସିଯାଇଥିଲା । ଫଳରେ ବନ୍ୟା ପାଣିର ପ୍ରଖର ସୁଅରେ ପଡି ଯାଇ ଜନ୍ମେଜୟ ଭାସି ଯାଇଥିବା ଜଣାପଡ଼ିଛି । ତୁରନ୍ତ ଖବର ପାଇ ବ୍ଲକରେ ଥିବା ODRFର ୪ ଟି ଟିମ ଘଟଣା ସ୍ଥଳରେ ପହଂଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
