ଜରଡା ଘାଟିରେ ଓଲଟିଲା ରେଙ୍ଗାଳୀ ଅଭିମୁଖେ ଯାଉଥିବା ଏକ ଯାତ୍ରାପାର୍ଟି ବସ୍

କାମାକ୍ଷାନଗର : ଆଜି ସକାଳ ପ୍ରାୟ ୮ଟା ବେଳେ ଏକ ଯାତ୍ରାପାର୍ଟି ବସ ଜଗଦମ୍ବାରେ ଓଲଟି ପଡ଼ଥିବାର ଖବର ମିଳିଛି। ଢେ଼ଙ୍କାନାଳ ଜିଲ୍ଲା କଙ୍କଡାହାଡ଼ ବ୍ଲକ ମହାବିରୋଡ଼ ଫାଣ୍ଡି ଅନ୍ତର୍ଗତ ଜରଡ଼ା ଘାଟିରେ ଯାତ୍ରାପାର୍ଟି ବସଟି ଓଲଟି ପଡିଛି ।  ଖବର ଅନୁଯାୟୀ, ଉକ୍ତ ବସଟି କଙ୍କଡାହାଡ଼ ଆଡୁ ରେଙ୍ଗାଳୀ ଅଭିମୁଖେ ଯାଉଥିବା ବେଳେ ଗଡ଼ପଳାଶୁଣି ପଞ୍ଚାୟତ ଜରଡା ଘାଟିରେ ଓଲଟି ପଡ଼ିଥିଲା। ଗାଡ଼ିରେ ପ୍ରାୟ ୩୫ ରୁ ୪୦ ଜଣ ଲୋକ ଥିଲେ। ସେମାନଙ୍କ ମଧ୍ୟରୁ ୨ଜଣ ଗୁରୁତର ଆହତ ହୋଇଥିବା ବେଳେ ଅନ୍ୟମାନେ ସୁରକ୍ଷିତ ଥିବା ଜଣାଯାଇଛି। ଆହତମାନଙ୍କ ଚିକିତ୍ସା ପାଇଁ କାମାକ୍ଷାନଗର ଡାକ୍ତରଖାନାକୁ ନିଆଯାଇଛି ।