ସାଲେପୁର : ଥାନା ସମ୍ମୁଖରେ ନିଜ ଦେହରେ ପେଟ୍ରୋଲ ଢ଼ାଲି ଆତ୍ମହତ୍ୟା ଉଦ୍ୟମ କଲେ ଯୁବକ । ଜଳିଗଲା ଶରୀରର ପ୍ରାୟ ୯୦ ଭାଗ । ଏଭଳି ଦୃଶ୍ୟ ଦେଖିବାକୁ ମିଳିଛି ସାଲେପୁର କଟକ ଜିଲ୍ଲା କିଶନନଗର ଥାନା ସମ୍ମୁଖରେ । ସ୍ଥାନୀୟଲୋକ ଗୁରୁତର ଅବସ୍ଥାରେ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛନ୍ତି । ଆତ୍ମହତ୍ୟା ଉଦ୍ୟମ କରିଥିବା ବ୍ୟକ୍ତି ଜଣଙ୍କ ହେଲେ ଗୁଣନିଧି ବିଷୋଇ । ତେବେ କେଉଁ କାରଣରୁ ଯୁବକ ଦେହରେ ନିଆଁ ଲଗାଇଲେ ତାହା ଜଣା ପଡିନାହିଁ। ପୋଲିସ ମାମଲାର ତଦନ୍ତ କରୁଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
ସୂଚନା ଅନୁଯାୟୀ,ଆଜି ସକାଳେ ଜଣେ ଯୁବକ କିଶନ ଥାନା ପରିସରରେ ଭିତକୁ ଆସି ପସି ଆସିଥିଲେ ଯୁବକ। କିଏ କିଛି ଜାଣିବା ପୂର୍ବ ହଠାତ ନିଜ ଦେହରେ ପେଟ୍ରୋଲ ଢ଼ାଳି ନିଜରେ ନିଆଁ ଲଗାଇ ଦେଇଥିଲେ। ଚାହୁଁ ଚାହୁଁ ଶରୀର ୯୦ ପ୍ରତିଶତ ଅଂଶ ପୋଡି ହୋଇଯାଇଥିଲା । ପାଖରେ ଥିବା ପୋଲିସ ଓ କିଛି ସ୍ଥାନୀୟ ଲୋକ ଯୁବକଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ହସ୍ପିଟାଲକୁ ପଠାଯାଇଛି। ତାଙ୍କ ଅବସ୍ଥା ଗୁରୁତର ଥିବା ଜଣାପଡିଛି। ଏନେଇ ପୋଲସ ପକ୍ଷରୁ ତଦନ୍ତ ଆରମ୍ଭ ହୋଇଛି।
