ମୁମ୍ବାଇ-ଭାରତ-ଅଷ୍ଟ୍ରେଲିଆ ବିଶ୍ୱକପ ମ୍ୟାଚ ସମୟରେ ପାନ ମସଲାର ଏକ ବିଜ୍ଞାପନ ପ୍ରସାରିତ ହୋଇଥିଲା । ଏଥିରେ ଶାହାରୁଖ ଖାନ, ଅଜୟ ଦେବଗନ ଓ ଅକ୍ଷୟ କୁମାର ଅଭିନୟ କରିଥିଲେ । ତେବେ ମ୍ୟାଚ ମଧ୍ୟରେ ଏଭଳି ବିଜ୍ଞାପନ ପ୍ରସାରଣକୁ ନେଇ ବିଭିନ୍ନ ମାହୋଲରେ ଆଲୋଚନା ପରେ ଏବେ ମୁହଁ ଖୋଲିଛନ୍ତି ଅକ୍ଷୟ କୁମାର ।
ଅକ୍ଷୟ କୁମାର କହିଛନ୍ତି ଏହି ବିଜ୍ଞାପନ 2021 ଅକ୍ଟୋବର 13ରେ ସୁଟ ହୋଇଥିଲା । ଏହି ସାମଗ୍ରୀକୁ ସର୍ବସାଧାରଣରେ ସମର୍ଥନ କରିବି ନାହିଁ କିମ୍ବା ଏହାର ବ୍ରାଣ୍ଡ ସହ ମୋର କୌଣସି ସମ୍ପର୍କ ନାହିଁ ଘୋଷଣା କରିଥିଲେ । ତେବେ ଆଇନଗତ ଭାବେ କମ୍ପାନୀ ସେହି ବିଜ୍ଞାପନକୁ ଆସନ୍ତାମାସ ଶେଷ ପର୍ଯ୍ୟନ୍ତ ପ୍ରସାରିତ କରିପାରିବେ ।
ପାନ ମସଲା ବିଜ୍ଞାପନକୁ ନେଇ ଫ୍ୟାନସ ମାନେ ଅସନ୍ତୋଷ ବ୍ୟକ୍ତ କରିଥିଲେ । ତେବେ ଅକ୍ଷୟ କୁମାର ସାର୍ବଜନୀନ ଭାବେ କ୍ଷମା ମାଗିବା ସହ ଏଭଳି ବିଜ୍ଞାପନ କରିବେ ନାହିଁ ବୋଲି ସଫେଇ ଦେଇଛନ୍ତି ।
