ଗୋଟିଏ ବର୍ଷର ପ୍ରସ୍ତୁତିରେ IAS ଅଧିକାରୀ ହେଲେ ୨୨ ବର୍ଷୀୟ ଅନନ୍ୟା ସିଂ

ଲକ୍ଷ୍ନୌ : ଦେଶର ସବୁଠୁ କଠିନ ପରୀକ୍ଷା ହେଉଛି ସିଭିଲ୍‌ ସର୍ଭିସ୍ । ଏଥିରେ ସଫଳ ହେବାକୁ ହେଲେ ଦୀର୍ଘ ସମୟ ଧରି ପ୍ରସ୍ତୁତ ହେବାକୁ ପଡିଥାଏ । ପ୍ରତିବର୍ଷ ଲକ୍ଷ ଲକ୍ଷ ପିଲା UPSC ପରୀକ୍ଷା ଦିଅନ୍ତି। କଠିନ ପରିଶ୍ରମ ଏବଂ ନିଷ୍ଠାର ସହ ପରୀକ୍ଷାରେ ଉତ୍ତୀର୍ଣ୍ଣ ବି ହୁଅନ୍ତି ଅନେକ । କିନ୍ତୁ ଏପରି ଅନେକ ପରୀକ୍ଷାର୍ଥୀ ଅଛନ୍ତି ଯେଉଁମାନେ ପ୍ରଥମ ପ୍ରୟାସରେ ହିଁ IASରେ କ୍ରାକ୍‌ ବନି ଯାଇଛନ୍ତି । ଏହି ପ୍ରାର୍ଥୀମାନଙ୍କ ମଧ୍ୟରୁ ଜଣେ ହେଉଛନ୍ତି ପ୍ରୟାରାଜର ଅନନ୍ୟା ସିଂ। ସେ ଏହି ପରୀକ୍ଷାରେ ଉତ୍ତିର୍ଣ୍ଣ ହେବାକୁ ମାତ୍ର ଗୋଟିଏ ବର୍ଷ ପ୍ରସ୍ତୁତ କରିଥିଲେ , ଆଉ ପ୍ରଥମ ପ୍ରୟାସରେ ହିଁ  ସଫଳତାର ଶାର୍ଷରେ ପହଞ୍ଚିଥିଲେ ।

ପିଲାଟିଦିନରୁ ପାଠ ପଢ଼ାରେ ଖୁବ୍‌ ଭଲ ଥିଲେ ଅନନ୍ୟା । ପ୍ରଥମେ ଅନନ୍ୟା ସିଂହ ପ୍ରୟାଗରାଜରୁ ପ୍ରାଥମିକ ଶିକ୍ଷା ସମାପ୍ତ କରିଥିଲେ । ଏହାପରେ ପ୍ରୟାଗରାଜର ସେଣ୍ଟମେରି କନଭେଣ୍ଟ ସ୍କୁଲ ଛାତ୍ରୀ ଥିଲେ। ଦଶମରେ ୯୬ ପ୍ରତିଶତ ମାର୍କ ଏବଂ ଦ୍ୱାଦଶ ପରୀକ୍ଷାରେ ୯୮.୨୫ ପ୍ରତିଶତ ମାର୍କ ରଖିଥିଲେ । ପରେ ଉଚ୍ଛଶିକ୍ଷା ପାଇଁ ଦିଲ୍ଲୀର ଶ୍ରୀ ରାମ କଲେଜ ଅଫ୍ କମର୍ସରେ ନାମ ଲେଖାଇଥିଲେ ଅନନ୍ୟା। ସେଠାରୁ ଅର୍ଥନୀତିରେ ସ୍ନାତକ ଡିଗ୍ରୀ ହାସଲ କରିଥିଲେ । ଆଉ ସେଇଠୁ ଆରମ୍ଭ ହୋଇଯାଇଥିଲା IAS ହେବାର ଯାତ୍ରା। ପିଲାଦିନରୁ ଅନନ୍ୟା IAS ହେବାକୁ ସ୍ୱପ୍ନ ଦେଖିଥିଲେ । ଏହି ସ୍ୱପ୍ନକୁ ପୂରଣ କରିବା ପାଇଁ ସ୍ନାତକୋତ୍ତରର ଶେଷ ବର୍ଷରେ ଅନନ୍ୟା UPSC ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କଲେ । IAS ହେବାର ଲକ୍ଷ୍ୟ ପୂରଣ କରିବା ପାଇଁ ପ୍ରତିଦିନ ୭ରୁ ୮ ଘଣ୍ଟା ପାଠ ପଢ଼ୁଥିଲେ ସେ। ୟୁପିଏସି  ପାଇଁ ଖୁବ୍‌ ପରିଶ୍ରମ ମଧ୍ୟ କରିଥିଲେ। ପରେ ତାଙ୍କ ଭାଗ୍ୟ ଓ ପରିଶ୍ରମ ତାଙ୍କୁ ସାଥ୍ ଦେଇଥିଲା। ଗୋଟିଏ ବର୍ଷ ପ୍ରସ୍ତୁତିରେ UPSC କ୍ରାକ୍‌ କରିଥିଲେ ଅନନ୍ୟା। ୨୦୧୯, UPSC ପରୀକ୍ଷାରେ ଅଲ ଇଣ୍ଡିଆ ୫୧ ରାଙ୍କ ହାସଲ କରିଥିଲେ ଅନନ୍ୟା। ମାତ୍ର ୨୨ ବର୍ଷ ବୟସରେ ହୋଇଥିଲେ IAS।