ପ୍ରଧାନମନ୍ତ୍ରୀଙ୍କୁ ଭେଟିଲେ ବଲିଉଡର ଅଭିନେତା ଅନୁପମ ଖେର

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କରିଛନ୍ତି ବଲିଉଡ୍‌ର ଭେଟେରାନ୍‌ ଅଭିନେତା ଅନୁପମ ଖେର। ସାକ୍ଷାତ ବେଳେ ତାଙ୍କ ମା ଦେଇଥିବା ରୁଦ୍ରାକ୍ଷର ମାଳି ପ୍ରଧାନମନ୍ତ୍ରୀ ମୋଦିଙ୍କୁ ଦେଇଛନ୍ତି ଅନୁପମ୍‌। ଏହି ମାଳି ମା ଦୁଲାରୀ ଖେର ମୋଦିଙ୍କ ପାଇଁ ପୁଅ ହାତରେ ପଠାଇଥିଲେ।  ଯାହାର ଫଟୋ ଅନୁପମ୍‌ ଖେର୍‌ ଇନ୍‌ଷ୍ଟାଗ୍ରାମରେ ସେୟାର କରିଛନ୍ତି। ଏହି ଫଟୋରେ ଅନୁପମ୍‌ ବହୁତ୍‌ ଖୁସି ଥିବାର ଦେଖିବାକୁ ମିଳିଛି। ପ୍ରଧାନମନ୍ତ୍ରୀ ମୋଦି ମଧ୍ୟ ଅଭିନେତାଙ୍କ ହାତରୁ ରୁଦ୍ରାକ୍ଷର ମାଳି ନେଉଥିବାର ଫଟୋରେ ଦେଖିବାକୁ ମିଳିଛି। ଉଭୟଙ୍କ ଏହି ସାକ୍ଷାତ ଚର୍ଚ୍ଚାରେ ଥିବାବେଳେ ଏହି ସମୟର ଫଟୋ ମଧ୍ୟ  ସୋସିଆଲ ମିଡିଆରେ ବେସ୍‌ ଭାଇରାଲ ହେଉଛି।  ତେବେ ଏଠି କହିରଖୁଛୁ ଯେ ଫିଲ୍ମ ଦି କାଶ୍ମୀର ଫାଇଲ୍ସରେ କାଶ୍ମୀର ପଣ୍ଡିତ ଚରିତ୍ର ରେ ଅଭିନୟ କରି ଅନୁପମ୍‌ ବହୁତ ଚର୍ଚ୍ଚାରେ ଅଛନ୍ତି।