ଆଜି ସାଢେ ୧୧ ରେ ପ୍ରକାଶ ପାଇଥିଲା ଓଜେଇଇ ପ୍ରବେଶିକା ପରୀକ୍ଷା ଫଳ। ତେବେ ଏଥିରେ ଯାଜପୁର କୁଆଁସରପୁର ଅଞ୍ଚଳ ର ଅରୁପ ପଣ୍ଡା ପ୍ରଥମ ସ୍ଥାନ ହାସଲ କରି ଓଡିଶା ଟପ୍ପର ହୋଇଛନ୍ତି । ତାଙ୍କର ଏହି କୃତିତ୍ୱ ଯୋଗୁଁ ସାରା ରାଜ୍ୟରେ ଖୁସିର ଲହରୀ ଖେଳିଯାଇଛି।
ଅରୁପଙ୍କ ବାପା ଜିତେନ୍ଦ୍ରିୟ ପଣ୍ଡା ଓ ମା ଅପର୍ଣ୍ଣା ପଣ୍ଡା ଉଭୟ ଶିକ୍ଷକ ଅଟନ୍ତି । ପିଲା ଦିନୁ ଜଣେ ମେଧାବୀ ଛାତ୍ର ଭାବେ ଅରୁପ ବେଶ ପରିଚିତ ଥିଲେ। ତାଙ୍କର ଏହି ସଫଳତା ପାଇଁ ନିଜ ପିତାମାତା ଙ୍କ ସହିତ ଶିକ୍ଷକ ଙ୍କୁ ଶ୍ରେୟ ଦେଇଛନ୍ତି। ସେ ଆଗକୁ ମେଡ଼ିକାଲ ପ୍ରବେଶିକା ପରୀକ୍ଷା ପାଇଁ ମଧ୍ୟ ପ୍ରସ୍ତୁତ ହେଉଛନ୍ତି ,ଆଗକୁ ସେ ଜଣେ ଭଲ ଡାକ୍ତର ହେବେ ବୋଲି କହିଛନ୍ତି।
