ଭୁବନେଶ୍ୱର- ଭୁବନେଶ୍ୱରର ଖଣ୍ଡଗିରି ଅଂଚଳରେ ଥିବା ବିବାଦୀୟ ବୈକୁଣ୍ଠ ଧାମ ଆଶ୍ରମକୁ ଆଜି ମାଟିରେ ମିଶାଇଛି ବିଡିଏ ।
ଆଶ୍ରମ କୋଠାକୁ ବୁଲଡୋଜରରେ ଭଙ୍ଗାଯାଇଛି । ଏହି ସମୟରେ ବିଡିଏ ଅଧିକାରୀ ଓ ପୋଲିସ ଉପସ୍ଥିତ ଥିଲେ । ଆଶ୍ରମଟି ସରକାରୀ ଜମିରେ ଥିଲା । ଏହାକୁ ଖାଲି କରିବାକୁ ଆଶ୍ରମବାସୀଙ୍କୁ କାଲି ଏଜେନ୍ସି ପକ୍ଷରୁ ନିର୍ଦ୍ଦେଶ ଦିଆଯାଇଥିଲା ।
ଚଳିତ ମାସ ଆରମ୍ଭରେ ଓଡିଶା ହାଇକୋର୍ଟ ଆଶ୍ରମର ବେଦଖଲ ଉପରେ ଲାଗିଥିବା ଅନ୍ତରିଣ ରୋକକୁ ହଟାଇଦେଇଥିଲେ । ଆବଶ୍ୟକୀୟ ଦସ୍ତାବିଜ ଦାଖଲ କରିବାରେ ଆଶ୍ରମ ଅଧିକାରୀ ବିଫଳ ହୋଇଥିଲେ ।
ଆଶ୍ରମ ବିବାଦୀୟ କାରଣରୁ ଚର୍ଚ୍ଚାରେ ଥିଲା । ସେଠାରେ ଜଣେ ପିଲାକୁ ଭଗବାନ ବିଷ୍ଣୁଙ୍କ କଳ୍କି ଅବତାର ଭାବେ ପୂଜା କରାଯାଉଥିଲା ।
