ଖୁବଶୀଘ୍ର ଆସୁଛି ନୂଆ ଓଡ଼ିଆ ଫିଲ୍ମ ‘ବାପା ଆଇସିୟୁ’ରେ ଅଛନ୍ତି । ଏକ ଭନ୍ନ ଧରଣର କାହାଣୀକୁ ନେଇ ଆଧାରିତ ଏହି ଫିଲ୍ମର ମହୁରତ ଗତକାଲି ଜୟଦେବ ବିହାର ସ୍ଥିତ ଆତ୍ମାରାମ ମନ୍ଦିର ହୋଇଥିଲା ଏଥିସହ ଫିଲ୍ମର ଶୁଟିଂ ମଧ୍ୟ ଆରମ୍ଭ ହୋଇସାରିଛି ।
ଏହି ଫିଲ୍ମରେ ଲିଡ୍ ରୋଲରେ ନଜର ଆସିବେ ଟେଲି କଳାକାର ଜଗଜିତ ଏବଂ ମିତାଲି । ଅନ୍ୟ ପ୍ରମୁଖ ଭୂମିକାରେ ଦେଖିବାକୁ ମିଳିବେ ପ୍ରଦ୍ୟୁମ୍ନ ଲେଙ୍କା, କୁନି ମିଶ୍ର, ରତନ ମେହେର, ଉଷଶ୍ରୀ ମିଶ୍ର, ସ୍ୱସ୍ତିକା ମିଶ୍ର, ମଧୁମିତା ମହାନ୍ତି, ଶୁଭ୍ରାଂସୁ, ଅଳକା ଶତପଥୀ, ଶକ୍ତି ବରାଳ, ସରୋଜ ଦାସ, ଅନନ୍ତ ମିଶ୍ର ଓ ତ୍ରିଭୁବନ ପଣ୍ଡା ।
ତରଙ୍ଗ ସିନେ ପ୍ରଡକ୍ସନ ବ୍ୟାନରରେ ତିଆରି ଏହି ଫିଲ୍ମରେ ତାପସ ସରଗରିଆ ନିର୍ଦ୍ଦେଶନା ଦାୟିତ୍ୱରେ ଥିବା ବେଳେ ତ୍ରିଭୂବନ ପଣ୍ଡା ଏହାର ପ୍ରଯୋଜନା ଦାୟିତ୍ୱରେ ରହିଛନ୍ତି । ସେହିପରି ଷ୍ଟୋରି, ସ୍କ୍ରିନ ପ୍ଲେ ଏବଂ ଡାଏଲଗ ଦାୟିତ୍ୱରେ ଦେବୀ ଦତ୍ତ ମହାନ୍ତି ଅଛନ୍ତି । ଅଭିଜିତ ମଜୁମଦାର ଏହି ଫିଲ୍ମର ମ୍ୟୁଜିକ ଭାର ସମ୍ଭାଳିଥିବା ବେଳେ ଲିରିକ୍ସ ଦାୟିତ୍ୱରେ ନିର୍ମଳ ନାୟକ ଏବଂ ଦେବିଦତ୍ତ ମହାନ୍ତି ଅଛନ୍ତି ।
