ରୁହନ୍ତୁ ସାବଧାନ୍ । ପୁଣି ଦେଶକୁ ଆସୁଛି କରୋନାର ନୂଆ ଭାରିଆଣ୍ଟ । ସାମ୍ପ୍ରତିକ ପରିସ୍ଥିତିରେ, ଓମିକ୍ରନ୍ ର ଉପ-ପ୍ରକାର ସମଗ୍ର ବିଶ୍ୱରେ ଦ୍ରୁତ ଗତିରେ ବ୍ୟାପୁଛି । ଏହି ସମୟରେ, ୱାଶିଂଟନ୍ ବିଶ୍ୱବିଦ୍ୟାଳୟ ଏକ ବିଶ୍ଳେଷଣରେ କହିଛି ଯେ କୋଭିଡ ସଂକ୍ରମଣ ପାଇଁ ଦୈନିକ ସଂଖ୍ୟା ଫେବୃଆରୀ ସୁଦ୍ଧା ଧୀରେ ଧୀରେ ପ୍ରାୟ ୧୮.୭ ନିୟୁତକୁ ବୃଦ୍ଧି ପାଇବ ବୋଲି ଆକଳନ କରାଯାଇଛି।
ଯାହା ବର୍ତ୍ତମାନ ୧୬.୭ ନିୟୁତରେ ଅଛି । ଏହି ରିପୋର୍ଟ ଆସିବା ପରେ ସାରା ବିଶ୍ୱରେ ପୁଣି ଥରେ କରୋନା ମାମଲା ବଢି ପାରେ ବୋଲି ଆଶଙ୍କା କରାଯାଉଛି।
ରିପୋର୍ଟ ଅନୁଯାୟୀ, ଏହି ନୂତନ ଆନୁମାନିକ ହାରାହାରି ପୂର୍ବ ଶୀତ ତୁଳନାରେ କମ୍ ଅଟେ। ଜାନୁଆରୀ ୨୦୨୨ ରେ ଓମିକ୍ରନ୍ ଭାରିଆଣ୍ଟର ଶୀଘ୍ର ବିସ୍ତାର ହେବା ପରେ ଅବସ୍ଥା ଆହୁରି ଖରାପ ହୋଇଗଲା କିନ୍ତୁ ଏହା ସାଂଘାତିକ ପ୍ରମାଣିତ ହେଲା ନାହିଁ । ଏହା ଏକ ଆରାମଦାୟକ ବିଷୟ ଯେ ଏହି ରିପୋର୍ଟ ସହିତ ୱାଶିଂଟନ୍ ବିଶ୍ୱବିଦ୍ୟାଳୟର ଇନଷ୍ଟିଚ୍ୟୁଟ୍ ଫର୍ ହେଲଥ୍ ମେଟ୍ରିକ୍ସ ଆଣ୍ଡ ଏଭାଲ୍ୟୁଏସନ୍ (IHME) ମଧ୍ୟ କହିଛି ଯେ ମାମଲା ବୃଦ୍ଧି ହେତୁ ମୃତ୍ୟୁ ବଢିବ ନାହିଁ।
