ମୁମ୍ୱାଇ : ଭାରତୀ ଓ ହର୍ଷଙ୍କ ଘରେ ଖୁସିର ମାହୋଲ । କମେଡି କ୍ୱିନ୍ ଭାରତୀ ସିଂହ ଓ ହର୍ଷ ଲିମ୍ୱାଚିଆ ନିଜର ପ୍ରଶଂସକଙ୍କୁ ଦେଇଛନ୍ତି ଖୁସି ଖବର । ଉଭୟ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ଏହି ଖୁସି ଖବରକୁ ପ୍ରଶଂସକଙ୍କ ସାମ୍ନାକୁ ଆଣିବା ପାଇଁ ହର୍ଷ ଲିମ୍ୱାଚିଆ ଇନଷ୍ଟାଗ୍ରାମ୍ରେ ଏକ ସୁନ୍ଦର ଫୋଟ ଶେୟାର କରି କ୍ୟାପସନରେ ଲେଖିଛନ୍ତି ଇଟ୍ସ ଏ ବୟ । ଏହାସହ ହାର୍ଟର ଇମୋଜି ଦେଇଛନ୍ତି । ପୋଷ୍ଟରୁ ପ୍ରଶଂସକମାନେ ଖୁବ୍ ପସନ୍ଦ କରିବା ସହ ସୋସିଆଲ ମିଡ଼ିଆରେ ନିଜର ଖୁସି ଓ ଭଲ ପାଇବାକୁ ଦର୍ଶାଉଛନ୍ତି।
ଏହି ଫଟୋରେ ହର୍ଷ ଓ ଭାରତୀ ଏକାଠି ନଜର ଆସୁଛନ୍ତି, ଯାହାଙ୍କ ହାତରେ ଏକ ଥଳି ଧରିଛନ୍ତି । ଏହି ଫଟୋକୁ ଏମିତି କୁହାଯାଇଛି କି , ଯେମିତି ଏହି ଥଳିରେ ବେବି ଅଛି । କିଛି ସମୟ ଭିତରେ ଏହି ଇନଷ୍ଟା ପୋଷ୍ଟଟି ଭାଇରାଲ ହୋଇଛି ।
