ଭୂକମ୍ପରେ ଥରିଲା ବିହାର । ବିହାରର କିଛି ଅଞ୍ଚଳରେ ଭୂକମ୍ପ ଝଟ୍କା ଅନୁଭୂତ ହୋଇଛି। ରାଜଧାନୀ ପାଟନା ସମେତ ପଶ୍ଚିମ ଚମ୍ପାରଣରେ ମଧ୍ୟ କମ୍ପନ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୫. ୪ ରେକର୍ଡ କରାଯାଇଛି।
ସୂଚନା ଅନୁଯାୟୀ, ଆଜି ମଧ୍ୟାହ୍ନ ସମୟରେ ପ୍ରଥମେ ନେପାଳର କାଠମାଣ୍ଡୁରେ ଭୂକମ୍ପ ଅନଭୂତ ହୋଇଥିଲା। ଏହି ଭୂକମ୍ପର କେନ୍ଦ୍ରସ୍ଥଳ ଥିଲା କାଠମାଣ୍ଡୁ ଠାରୁ ୫୩ କିଲୋମିଟର ପୂର୍ବରେ। ଏହାର ପ୍ରଭାବରେ ନେପାଳ ସୀମାକୁ ଲାଗିରହିଥିବା ଭାରତର କିଛି ଅଞ୍ଚଳରେ ବି ଝଟକା ଅନୁଭୂତ ହୋଇଥିଲା । ନେପାଳ ସୀମାବର୍ତ୍ତୀ ଅଞ୍ଚଳ, ବିହାର ଓ ପାଟନାର ଅନେକ ଅଞ୍ଚଳରେ ଏହି ଭୂକମ୍ପ ଝଟକା ଅନୁଭୂତ ହୋଇଥିବା ଜଣାପଡିଛି ।
