ଭୁବନେଶ୍ୱର : ବିଜେଡିର ରାଜ୍ୟସଭା ପ୍ରାର୍ଥୀ ଘୋଷଣା । ୪ ରାଜ୍ୟ ସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା । ପୁଣି ରାଜ୍ୟ ସଭାକୁ ଯିବେ ସସ୍ମିତ ପାତ୍ର । ସେହିପରି ସୁଲତା ଦେଓ , ନିରଞ୍ଜନ ବିଶି , ମାନସ ମଙ୍ଗରାଜ ଙ୍କ ନାଁ ମଧ୍ୟ ଘୋଷଣା କରିଛି ବିଜେଡି । ପ୍ରସନ୍ନ ଆଚାର୍ଯ୍ୟ , ଏନ୍ ଭାସ୍କର ରାଓ ଏବଂ ସସ୍ମିତ ପାତ୍ରଙ୍କ ରାଜ୍ୟ ସଭା କାର୍ଯ୍ୟକାଳ ଶେଷ ହେବା ପରେ ତିନିଟି ଆସନ ପାଇଁ ନିର୍ବାଚନ ହେଉଛି । ସେହିପରି ମେୟର ଭାବେ ବିଜୟୀ ହେବା ପରେ କଟକ ମେୟର ସୁବାସ ସିଂ ସାଂସଦ ପଦରୁ ଇସ୍ତଫା ଦେଇଥିଲେ । ବିଧାୟକଙ୍କ ସଂଖ୍ୟା ଦୃଷ୍ଟିରୁ ୪ ଟି ଯାକ ଆସନ ବିଜେଡି ଅକ୍ତିଆର କରିବା ନିଶ୍ଚିତ ବୋଲି କୁହାଯାଉଛି । ଚାରି ପ୍ରାର୍ଥୀଙ୍କ ମଧ୍ୟରେ ତିନି ପ୍ରାର୍ଥୀ ଜଣାଶୁଣା ହୋଇଥିବା ବେଳେ ନିରଞ୍ଜନ ବିଶି ହେଉଛନ୍ତି ବଲାଙ୍ଗୀର ଜିଲ୍ଲାର ଜଣେ ଆଦିବାସୀ ନେତା । ସେ ପଶ୍ଚିମ ଓଡ଼ିଶା ଆଦିବାସୀ ମହାସଂଘର ସାଧାରଣ ସମ୍ପାଦକ ରହିଛନ୍ତି। ଚଳିତ ଥର ପଞ୍ଚାୟତ ନିର୍ବାଚନ ବେଳେ ବିଜେଡି ଏଠାରେ ଭଲ ପ୍ରଦର୍ଶନ କରିଥିଲା। ଆଉ ଏହା ପଛରେ ନିରଞ୍ଜିନଙ୍କର ଗୋଟିଏ ବଡ ଅବଦାନ ରହିଥିବା କୁହାଯାଉଛି।
