ଚଣ୍ଡିଗଡ଼ ମେୟର ନିର୍ବାଚନରେ ବିଜୟୀ ହୋଇଛି ଭାରତୀୟ ଜନତା ପାର୍ଟି (ବିଜେପି)। ଆପ-କଂଗ୍ରେସ ମେଣ୍ଟର ୧୭ ଭୋଟ୍ ବିପକ୍ଷରେ ୧୯ଟି ଭୋଟ୍ ପାଇ ବିଜୟ ହାସଲ କରିଛି ଭାରତୀୟ ଜନତା ପାର୍ଟି।ନିର୍ବାଚନରେ ବିଜେପି ପ୍ରାର୍ଥୀ ହରପ୍ରୀତ କୌର ବାବଲା ଆପର ପ୍ରେମ ଲତାଙ୍କୁ ପରାସ୍ତ କରିଛନ୍ତି। ଚଣ୍ଡିଗଡ଼ ମେୟର ନିର୍ବାଚନ ବିଜେପି ଏବଂ ଆପ-କଂଗ୍ରେସ ମେଣ୍ଟ ମଧ୍ୟରେ ଏକ ବଡ଼ ଧରଣର ପ୍ରତିଯୋଗିତା ଥିଲା। ଚଣ୍ଡିଗଡ଼ ମ୍ୟୁନିସିପାଲ କର୍ପୋରେସନରେ ନିର୍ବାଚିତ କାଉନସିଲର ଏବଂ ଚଣ୍ଡିଗଡ଼ ସାଂସଦଙ୍କ ସମେତ ୩୫ ଜଣ ସଦସ୍ୟ ଅଛନ୍ତି, ଯେଉଁମାନଙ୍କର ପଦାଧିକାରୀ ସଦସ୍ୟ ଭାବରେ ଭୋଟଦାନ ଅଧିକାର ଅଛି।
