ଭୁବନେଶ୍ୱର- ବିଧାନସଭାରେ ଉଠିଲା ‘ବ୍ଲାକ୍ ରୋଜ୍’ ଜାହାଜ ବୁଡ଼ିବା ପ୍ରସଙ୍ଗ । ମଙ୍ଗଳବାର ବିଧାନସଭାରେ ‘ବ୍ଲାକ ରୋଜ୍’ ପ୍ରସଙ୍ଗ ଉଠାଇଛନ୍ତି ଜଗତସିଂହପୁର ବିଜେପି ବିଧାୟକ ଅମରେନ୍ଦ୍ର ଦାସ । ଖଣି ବିଭାଗର ଖର୍ଚ୍ଚ ଦାବି ଆଲୋଚନାବେଳେ ପ୍ରସଙ୍ଗ ଉଠାଇ ପାରାଦୀପ ଉପକୂଳରେ ବୁଡି ଯାଇଥିବା ବିଦେଶୀ ଜାହାଜ ବ୍ଲାକରୋଜ୍ କାହାର ବୋଲି ସେ ପଚାରିଥିଲେ । ଜାହାଜରେ କାହାର ଲୁହାପଥର ଚୋରା ଚାଲାଣ ହେଉଥିଲା ବୋଲି ସେ ପ୍ରଶ୍ନ କରିବା ସହ ଜାହାଜର କ୍ୟାପଟେନଙ୍କ ମୃତ୍ୟୁ କିଭଳି ହେଲା ବୋଲି ପ୍ରଶ୍ନ କରିଥିଲେ । ଏହି ମାମଲାକୁ ଚପାଇବାକୁ ଚେଷ୍ଟା କରାଯାଇଥିବା ସେ ଯୁକ୍ତି ବାଢିଥିଲେ । ହାର କାର୍ଯ୍ୟାନୁଷ୍ଠାନ ହେଉ ବୋଲି ସେ ରାଜ୍ୟର ନୂଆ ସରକାରଙ୍କୁ ଅନୁରୋଧ କରିଥିଲେ ।
