ଭୁବନେଶ୍ବର କେନ୍ଦ୍ରୀୟ ବିଦ୍ୟାଳୟ-୩ ସାମ୍ନାରେ ବୋମାମାଡ଼, ଘଟଣାସ୍ଥଳରେ ଏନଆଇଏ ଟିମ୍

ଭୁବନେଶ୍ୱର: ଭୁବନେଶ୍ୱର କେନ୍ଦ୍ରୀୟ ବିଦ୍ୟାଳୟ-୩ ସମ୍ମୁଖରେ ବୋମାମାଡ଼ ହୋଇଛି । ଘଟଣାସ୍ଥଳରେ ଯାଞ୍ଚ କରିଛି ଏନଆଇଏ ଟିମ୍ । ଗାଡ଼କଣ ନିକଟରେ ଥିବା କେନ୍ଦ୍ରୀୟ ବିଦ୍ୟାଳୟ ମୁଖ୍ୟ ଗେଟ୍ ଆଗରେ ବୋମା ବିସ୍ଫୋରଣ ହୋଇଥିଲା। ୩ ନମ୍ବର ଗେଟ ସମ୍ମୁଖରେ ଫୁଟିଥିଲା ବୋମା। ବୋମା ବିସ୍ଫୋରଣରେ ଥରିଯାଇଥିଲା ସ୍ଥାନୀୟ ଅଞ୍ଚଳ ଓ ସ୍କୁଲ ପରିସର। ସକାଳ ୮ ଟାରେ କେହି ଦୁର୍ହବୃତ୍ତ ବୋମା ଫୁଟାଇ ଫେରାର ହୋଇଥିଲା । ଘଟଣାସ୍ଥଳରେ ମଞ୍ଚେଶ୍ୱର୍ ପୋଲିସ ବି ପହଞ୍ଚି ଛାନଭିନ ଚଳାଇଛି। ହେଲେ ବୋମାମାଡରେ କୌଣସି କ୍ଷତି ହୋଇନାହିଁ। ସ୍ଥାନୀୟ ଅଞ୍ଚଳର ଏକାଧିକ ସିସିଟିଭି ରହିଥିବାରୁ ସେସବୁକୁ ଅନୁଧ୍ୟାନ କରି ଯାଞ୍ଚ କରୁଛି ପୁଲିସ ।