ଆଜି ମୁକ୍ତିଲାଭ କରିଛି ବ୍ରହ୍ମାସ୍ତ୍ର , ଫିଲ୍ମକୁ ନେଇ ସୋସିଆଲ ମିଡିଆରେ ନିଜର ମନ୍ତବ୍ୟ ଦେଉଛନ୍ତି ଦର୍ଶକ
ଆଜି ମୁକ୍ତିଲାଭ କରିଛି ବହୁ ପ୍ରତୀକ୍ଷିତ ଫିଲ୍ମ ବ୍ରହ୍ମାସ୍ତ୍ର । ଦୀର୍ଘ ଦିନ ଧରି ଚଳଚ୍ଚିତ୍ରକୁ ଦେଖିବା ପାଇଁ ଦର୍ଶକମାନେ ଅପେକ୍ଷା କରି ରହିଥିଲେ । ଶେଷରେ ଅପେକ୍ଷାର ଅନ୍ତ ଘଟିଛି । ତେବେ କିଛି ସମୟ ମଧ୍ୟରେ ଫିଲ୍ମକୁ ନେଇ ସୋସିଆଲ ମିଡିଆରେ ନିଜର ମନ୍ତବ୍ୟ ଦେବା ଆରମ୍ଭ କଲେଣି ଦର୍ଶକ ।
ତେବେ ଅଧିକାଂଶ ଦର୍ଶକ ପିଳ୍ମର କାହାଣୀକୁ ପସନ୍ଦ ଏବଂ ପ୍ରଶଂସା କରିଥିବାବେଳେ କିଛି ଲୋକ ଫିଲ୍ମକୁ ଖରାପ ସମୀକ୍ଷା ମଧ୍ୟ ଦେଇଛନ୍ତି । ଏଥି ସହିତ ଶାହାରୁଖ ଖାନଙ୍କ କ୍ୟାମୋକୁ ସବୁ ସ୍ଥାନରେ ଆଲୋଚନା କରାଯାଉଛି।ଏହି ଚଳଚ୍ଚିତ୍ରରେ ଆଲିଆ ଏବଂ ରଣବୀରଙ୍କ ବ୍ୟତୀତ ଅମିତାଭ ବଚ୍ଚନ, ମୌନି ରୟ ଏବଂ ନାଗାର୍ଜୁନ ପ୍ରମୁଖ ଭୂମିକାରେ ଅଛନ୍ତି। ହିନ୍ଦୀ, ତାମିଲ, ତେଲୁଗୁ, ମାଲାୟାଲମ୍ ଏବଂ କନ୍ନଡରେ ଭାଷାରେ ମୁକ୍ତିଲାଭ କରିଛି।
ସୂଚନା ଯୋଗ୍ୟ, ଫିଲ୍ମଟିକୁ ପ୍ରଥମେ ପ୍ରସ୍ତୁତ କରିବାକୁ ଅନେକ ବର୍ଷ ଲାଗିଥିଲା। ଏଥିସହିତ ଫିଲ୍ମର ରିଲିଜକୁ ମଧ୍ୟ ଅନେକ ଥର ବାତିଲ କରି ଦିଆଯାଇଛି। ସେହିପରି ଦୀର୍ଘ ଦିନ ଧରି ସୋସିଆଲ ମିଡିଆରେ ଫିଲ୍ମକୁ ବଏକଟ୍ କରିବାକୁ ଟ୍ୱିଟରରେ ଏକ ଦାବି ରହିଆସିଛି। ଯାହା ବିଷୟରେ ଆଲିଆଙ୍କୁ ନିକଟରେ ପଚରାଯାଇଥିଲା, ସେ କହିଛନ୍ତି ଯେ କିଛି ନକାରାତ୍ମକ ନାହିଁ। ସେପରି ନକାରାତ୍ମକ କିଛି କୁହନ୍ତୁ ବି ନାହିଁ । ସବୁ ସକାରାତ୍ମକ ଏବଂ ସବୁ ଠିକ ଅଛି ।
